سید اعجاز
ترال //جنوبی کشمیر کے سب ضلع ترال سے قریب25کلو میٹر دور پُرون گام زووستان آری پل دور جدید میں بھی اہم بنیادی سہولیات سے محروم ہیں جس کی وجہ سے علاقے کی آبادی کو طرح طرح کے مشکلات کا سامنا کرنا پڑ رہا ہے ۔مقامی لوگوں نے بتایاگائوں قریب 24گھرانوں پر مشتمل ہے تاہم تاحال ترقی کے اس جدید دور میں رابط سڑک سے محروم ہے جس کی وجہ سے آبادی کو عبور مرور میں مشکلات کا سامنا کرنا پڑ رہا ہے۔ ریاض احمد نامی ایک نوجوان نے بتایا موسم سرما خاص کر برف کا موسم کسی قیامت سے کم نہیں ہو تا ہے ا نہوں نے بتایا آپ اس بات سے اندازہ لگایا سکتے ہیں کہ برف باری کا ایک ماہ گزر جانے کے باجود بھی یہاں گائوں کو جا نے والے کوچے سے برف نہیں ہٹایا گیا ہے جس کی وجہ سے لوگوں خاص کر سکولی بچے گھروں آنے جانے میں طرح طرح کے مشکلات کا سامنا کرنا پڑ رہا ہے ۔ سکولی بچوں نے بتایااس گائوں میں مواصلاتی نیٹ ورک نہیں ہے جس کی وجہ سے کسی گائوں کی معمولی سگنل آتی ہے جس کی وجہ سے لوگ گھروں سے باہر جا کر مجبوری کی حالت میں بات کر سکتے ہیں جبکہ انٹرنیٹ سے ابھی لوگ نا واقف ہیں ۔ مقامی بزرگوں نے بتایاجن علاقوں میں ابھی تک سڑکیں نہیں نکالے گئے ہیں وہاں برف مزدور لگا کر برف ہٹاتے ہیں تاہم ان کے علاقے میں ایسا کچھ نہیں ہے جس سے ہمیں یہ پتہ چلے کہ سرکار یا انتظامیہ ہے ۔ انہوں نے بتایا سڑک کی تعمیر پر ہم سے ووٹ حاصل کئے گئے ہیں تاہم تاحال کوئی بھی سہولیات گائوں میں موجود نہیں ہے ۔انہوں نے ایل جی انتظامیہ اور ڈپٹی کمشنر پلوامہ سے فوری مداخلت کی اپیل ہے ۔
