بشارت رشید
اننت ناگ: جموں و کشمیر کی سب سے بڑی فوڈ چین ‘پارساز’ نے جنوبی کشمیر میں سرینگر جموں قومی شاہراہ پر سنگم علاقے میں اپنا 29 واں آؤٹ لیٹ کھولا ہے۔ اتوار کے روز اس آؤٹ لیٹ کا افتتاح ایک پروقار تقریب کے دوران پارسا برانڈ کے تمام ‘فرنچائز پارٹنرز’ اور ‘اسٹیک ہولڈرز’ کی موجودگی میں کیا گیا۔ برانڈ سے وابستہ ایک عہدیدار کے مطابق اس آؤٹ لیٹ کو دو بھائی، سید عمر اور سید نیاز چلائیں گے- انہوں نے کہا کہ سید عمر ایک انجینئرنگ گریجویٹ ہے، جبکہ سید نیاز نے اپنی ماسٹرز ڈگری کے علاوہ ‘ٹورِزم مینجمنٹ’ میں ڈپلومہ کیا ہے۔ ‘پارساز’ برانڈ کے سربراہ جاوید پارسا نے سرینگر میل کو بتایا کہ "سنگم اور اس کے ملحقہ علاقوں کے لوگوں کے علاوہ سیاحوں کے لیے قومی شاہراہ پر آؤٹ لیٹ کھولنا ان کا ایک طویل منصوبہ تھا، جس کو حقیقت میں بدلنے میں چھ ماہ لگے”۔ انہوں نے کہا کہ ان کو اس سال کے آخر تک کشمیر خطے کے باقی قصبوں میں بھی اپنے آؤٹ لیٹ کھولنے کا منصوبہ ہے۔
