سیداعجاز
ترال//ترال کے تحصیل آری پل علاقے میں سنیچر کی شام دو پہاڑی علاقوں میں بادل پھٹنے کے نتیجے میں ندی نالوں میں تغیانی آئی ہے جس کے نتیجے میں فصلوں،رابطہ سڑک، اور پانی کے ترسیلی نظام کو شدید نقصان پہنچا ہے ۔علاقے میں ضروریات زندگی بحال کر نے ،حالات کا جائزہ لینے کے لئے انتظامیہ کے افسران اور اہلکاروں نے علاقے کا دورہ کیا۔مقامی لوگوں نے نمائندے کو بتایا حاجن کے دو بالائی علاقوں میں سنیچر کی شان بادل پھٹنے کے بعد علاقے کے دو ندی نالوں میں پانی کا بہاو بڑ گیا ہے جس کے نتیجے میں علاقے کی رابطہ سڑک کا ایک بڑا حصہ بہہ کر کھنڈارت میں تبدیل ہوا ہے ۔جبکہ علاقے میں کھیتوں میں پانی داخل ہونے سے فصلوں کو بھی نقصان پہنچا ہے۔تیز بہاو والے پانی نے علاقے میں پینے کے پانی کے ترسیلی نظام کو مکمل طور تباہ کیا ہے جس کے نتیجے میں وسیع آبادی کو پانی کی سپلائی منقطع ہوئی ہے ۔واقعے کے بعدانتظامیہ میں شامل تمام محکموں کے افسران اور اہلکاروںنے علاقے کا دورہ کر کے یہاں حالات کا جائزہ لینے کے ساتھ ساتھ پانی کو دوسرے طرف موڈنے ،تقصان کا تخمنا لگانے کے لئے علاوہ دیگر طرح کے اقدامات اٹھائے گئے ہیں۔تاہم حاجن کے لوگ شام تک ٹینکر پانی کا انتظار کرتے دیکھے گئے ہیں ۔تحصیلدار آری پل عامر سہیل نے بتایا کہ ”بارشوں بادل پھٹنے کے نتیجے میں ندی نالوں میں بہت زیادہ پانی بڑ گیا ہے جس کے نتیجے میں رابط سڑک کو نقصان پہنچ گیا ہے جبکہ محکمہ فلڈ کنٹرول کے افسران اور اہلکار تیز بہاو والے پانی کودوسری طرف موڈ لیا ہے تاکہ رابطہ سڑک کو قابل آمد رفت بنایا جائے۔لانہوں نے کہا یہاں کسی جانی نقصان کی کوئی اطلاع نہیں ہے تاہم گلستان میں فصلوں کو نقصان پہنچا ہے۔تحصیلدار نے بتایا نقصان کا تخمینہ لگانے کے لئے محکمہ مال سمیت دیگر ٹیم علاقے میں روانہ کئے گئے تاکہ متاثرین میں امداد فراہم کیا جاسکے ۔ علاقے میں پانی کی ترسیلی نظام کو شدید نقصان پہنچا ہے تاہم محکمہ جل شکتی نے علاقے میں ٹینکروں کے ذریعے پانی پہنچا یا ہے ۔