بشارت رشید
اونتی پورہ: اسلامک یونیورسٹی آف سائنس اینڈ ٹیکنالوجی اونتی پورہ کے منطقی میموریل کالج آف نرسنگ اینڈ میڈیکل ٹیکنالوجی میں بدھ کو چھٹے سالانہ دن کے حوالے سے ایک پروقار تقریب منعقد ہوئی، جس کی صدارت کالج کی پرنسپل عصمت پروین نے کی۔ تقریب میں یونیورسٹی کے رجسٹرار ڈاکٹر نصیر اقبال نے مہمان خصوصی کی حثیت سے شرکت کی، جبکہ ڈین آف اؤٹ ریچ پروفیسر للی وانٹ، ڈین آف سکولز پرفیسر اے ایچ مون، ڈین آف سٹوڈنٹس ڈاکٹر آنیسہ جان کے علاوہ باقی فیکلٹی کے ارکان بھی موجود رہے۔ چھٹے سالانہ دن تقریب کے ساتھ ساتھ منطقی کالج کی جانب سے ایک ورکشاپ بھی منعقد ہوا، جس میں طلباء نے مختلف موضوعات پر اپنے مقالے پیش کئے، اور ریسرچ بھی پیش کی۔ کالج کی پرنسپل عصمت پروین نے میڈیا سے بات کرتے ہوئے کہا کہ یونیورسٹی سے آج تک فارغ ہوئے طلباء کو مختلف جگہوں پر نوکری بھی ملی ہے۔ انہوں نے کہا لڑکوں اور لڑکیوں کواس شعبے میں زیادہ سے زیادہ داخلہ لینا چاہے، تاکہ وہ آسانی کے ساتھ سماجی خدمات انجام دے سکے۔ پروگرام کے آخر پر ایک کتاب کی رسم رونمائی بھی انجام دی گئی۔۔
