سید اعجاز
ترال//جموںو کشمیرکے باقی علاقوں کے ساتھ ساتھ جنوبی ضلع پلوامہ میں ”‘مائی ٹاو¿ن مائی پرائیڈ “کے تحت جن ابھیان شہری کے تحت سرگرمیوں کو جاری رکھتے ہوئے چیئرمین بلال احمد راتھر اور چیف ایگزیکٹیو آفیسر ایم سی پلوامہ نے سنٹرل ہائر سیکنڈری اسکول کا دورہ کیا اور طلباءکے ساتھ بات چیت کی تاکہ انہیں ایک بار استعمال ہونے والے پلاسٹک پر پابندی اور ماحول کو صاف ستھرا رکھنے کے حوالے سے آگاہ کیا جا سکے۔ شہری جان ابھیان کے دوران، جوائنٹ ڈائریکٹر، مرکزی سپانسرڈ اسکیموں، مختار احمد بزاز اور نوشاد احمد کے ساتھ میونسپل کونسل پلوامہ کا دورہ کیا تاکہ ڈیلیور ایبل کی کامیابیوں کا جائزہ لیا جا سکے اور شہری علاقوں کے تحت مکمل کیے گئے کاموں کی اسپاٹ فزیکل تصدیق کی جا سکے۔ ٹیم نے مختلف محکموں کے نمائندوں سے بات چیت کی جنہوں نے سروس ڈیلیوری کے لیے ایم سی میں سٹال لگائے اور کونسل کے عوامی نمائندوں کے ساتھ میٹنگ کی۔ شہر کو صاف ستھرا رکھنے کے لیے کئی صفائی مہم بھی چلائی جا رہی ہے۔
