دوسرے کے اے ٹی ایم کارڑ سے پیسے نکالنے کا معمہ حل

سری نگر:01،دسمبر: جنوبی کشمیر کے ضلع پلوامہ میں پولیس نے دوسرے کے اے ٹی ایم کو استعمال کرنے اور غیر قانونی طریقے سے پیسے نکالنے والے شخص کو پولیس نے گرفتار کر لیا ہے ۔کشمیر نیوز سروس( کے این ایس) کے مطابق پولیس نے بتایا14نومبر 2022کو پولس سٹیشن راجپورہ کو محمد یوسف ڈار ولد اب غنی ڈارساکن تجن نامی ایک شخص کی طرف سے تحریری شکایت موصول ہوئی جس میں کہا گیا ہے کہ اس کے اکاو¿نٹ سے 28000روپے کی رقم چوری,نکال لی گئی ہے۔ نامعلوم شخص کی طرف سے اس تحریری شکایت کی وصولی پر ایف آئی آر نمبر 100/2022 U/S 380 IPC پولیس اسٹیشن راجپورہ میں درج کی گئی اور تفتیش شروع کردی گئی۔انہوں نے بتایا کہ اس پر ایک خصوصی ٹیم تشکیل دی گئی اور دوران تفتیش تکنیکی وسائل کی مدد سے یہ بات سامنے آئی کہ ملزم نے ماسک پہنے ہوئے دلی پورہ اے ٹی ایم مشین میں اپنے اے ٹی ایم کارڈ کا استعمال کرکے رقم نکالی ہے۔ مزید تفتیش کے نتیجے میں شبیر احمد پوسوال (پکھیر پورہ اے ٹی ایم پر اے ٹی ایم گارڈ) ولد محمد قاسم پوسوال ساکن سونابنجر راجپورہ نامی ایک مشتبہ شخص کی شناخت ہوئی جسے پوچھ گچھ کے لیے لایا گیا اور مسلسل پوچھ گچھ کے دوران اس نے اپنے جرم کا اعتراف کیا اور اپنے انکشاف پر 28000 روپے کی رقم اور چار دیگر اے ٹی ایم ایس کارڈز مختلف صارفین کے ہیں۔ مزید تفتیش جاری ہے۔پلوامہ پولیس نے کمیونٹی ممبران کو یقین دلایا کہ ایسے افراد کے خلاف سخت کارروائی کی جائے گی جو مجرمانہ کارروائیوں میں ملوث ہیں۔