کولگام:۲۱، دسمبر:ڈائریکٹرمحکمہ زراعت کشمیر چوہدری محمد اقبال نے پیر کے روزکولگام ضلع کا دورہ کیا اورضلع میں مرکزی اسپانسر شدہ اسکیموں کے نفاذ پر پیش رفت (جسمانی، مالی) کا جائزہ لینے کےلئے میٹنگ طلب کی۔ جے کے این ایس کے مطابق میٹنگ کے دوران محکمہ زراعت کی طرف سے لاگو کی جانے والی مختلف مرکزی اسپانسر اسکیموں بشمولCAPEX،RKVY،MIDH،ATMA،NFSM،PMKISAN،Soil Health Card Scheme،کسان کریڈٹ کارڈس اسکیموں وغیرہ پر تفصیل سے تبادلہ خیال کیا گیا۔میٹنگ سے خطاب کرتے ہوئے ڈائریکٹرمحکمہ زراعت کشمیر چوہدری محمداقبال نے کہا کہ آج کی میٹنگ کا بنیادی مقصد آئندہ خریف سیزن کے لیے ایک طریقہ کار وضع کرنا ہے جس کےلئے آبپاشی کی یقینی سہولیات، بیج کی دستیابی،تکنیکی رہنمائی ،اور مناسب وقت پر کاشتکاروں کو دیگر معلومات فراہم کی جائیں۔ انہوں نے کہا کہ ربیع2022-23کے دوران محکمہ زراعت کشمیر نے ایک مشن موڈ پر تیل کے بیج کی کاشت کے تحت زمین کے ایک بڑے رقبے کو لایا ہے جس کا مقصد فصل کی شدت میں اضافہ کرنا ہے تاکہ کسانوں کی آمدنی میں اضافہ کیا جاسکے۔ انہوں نے کہا کہ محکمہ تیل کے بیجوں کی فصلوں کے رقبے کو بڑھانے کےلئے بھرپور طریقے سے کام کر رہا ہے کیونکہ مارچ، اپریل کے مہینوں میں اس فصل کا پھول ایک طرف تو شہد کی مکھیوں کو نباتات فراہم کرتا ہے اور دوسری طرف شہد کی مکھیوں کے کاروبار سے وابستہ کسانوں کی مدد کرتا ہے۔ دوسری طرف یہ شہد کی مکھیاں پولی نیشن یعنی زمین کوزرخیز بنانے میں حصہ ڈالتی ہیں اور اس کے نتیجے میں فصل کی پیداوار اور پیداواری صلاحیت میں اضافہ ہوتا ہے۔ انہوں نے کہا کہ یہ سرگرمی تیل کے بیجوں کی فصلوں کی پیداوار میں اضافے کا باعث بنتی ہے اور ملک کے دیگر حصوں سے خوردنی تیل کی درآمد پر انحصار کم کرتی ہے