سری نگر:19،دسمبر: کے این ایس : منشیات کے استعمال کے خلاف سخت کارروائی کرتے ہوئے اور معاشرے سے منشیات کو ختم کرنے کے لیے اونتی پورہ میں پولیس نے عدالت مجاز سے باضابطہ حراست کے احکامات حاصل کرنے کے بعد پی ائی ٹی این ڈی پی ایس ایکٹ کے تحت چار بدنام زمانہ منشیات فروشوں کے خلاف مقدمہ درج کیا۔ ان کی شناخت بختاوار احمد مکرو ولد مرحوم عبدل رحیم مکرو ساکن گلزاپورہ بٹ پورہ،منظور احمدبٹ ولد مرحوم عبدالاحدبٹ ، عبدل قیوم بٹ ولد مرحوم عبدالخالق بٹ سا کنان لارکی پورہ پدگام پورہ اور طارق احمد میر ولد عبدالغنی میر دامادہ محمد احسن میر سا کن کاوانی اونتی پورہ کے طور پر ہیں۔ قابل ذکر ہے کہ مذکورہ چاروں افراد این ڈی پی ایس کے کئی مقدمات میں ملوث تھے۔ متعدد ایف آئی آرز میں ملوث ہونے کے باوجود، ملزمین اونتی پورہ، علاقے میں مقامی نوجوانوں کو منشیات فراہم کرکے منشیات کے استعمال کو فروغ دے رہے تھے۔اونتی پورہ علاقے کے عام لوگوں نے منشیات فروشوں کے خلاف کارروائی کے لیے پولیس کے کردار کو سراہا۔