پلوامہ: جنوبی کشمیر کے ضلع پلوامہ سے پہلی بار سات کھلاڑی یوگاسنا سپورٹس کے نیشنل مقابلوں کے لئے منتخب ہوئے ہیں۔ سرینگر میل کو ملی تفصیلات کے مطابق ترال پلوامہ کے کئی علاقوں سے سینئر، جونئیر اور سب جونئیر نیشنل یوگاسنا مقابلوں کے لئے مقامی مارشل آرٹ اکیڈمی ‘لینیو مارشل آرٹ’ سے وابستہ ساتھ کھلاڑی منتخب ہوئے ہیں، جس پر انہوں نے خوشی کا اظہار کیا ہے۔ سرینگر میل سے بات کرتے ہوئے اکیڈمی کے سربراہ فیروز احمد بٹ نے کہا ہے کہ یہ کھلاڑی اب ملک کے مہاراشٹرا اور راجستھان میں مزکورہ کھیل کے نیشنل مقابلوں میں کچھ روز کے بعد شرکت کریں گے۔ اکیڈمی کے ایک کھلاڑی سید عارف نے یوگاسنا سپورٹ کو بچوں کے لئے اہم قرار دیتے ہوئے کہا ہے کہ نوجوانوں کو چاہئے کہ وہ اس سپورٹ میں حصہ لے۔ واضح رہے کہ یوگاسنا کھیل کو کشمیر میں کھیلوں انڈیا پہل کے تحت حال ہی میں متعارف کرایا گیا تھا۔
