سری نگر24،جنوری: کے این ایس : کانگریس کے لیڈرراہول گاندھی نے منگل کو کہا کہ وہ اور پارٹی سرجیکل اسٹرائیکس پر ڈگ وجئے سنگھ کے تبصروں سے متفق نہیں ہیں اور یہ کہ سرکاری فورسز کو کوئی ثبوت دینے کی ضرورت نہیں ہے۔ سنگھ نے پیر کو سرجیکل اسٹرائیکس پر سوال اٹھایا تھا اور حکومت پر جھوٹ بولنے کا الزام لگایا تھا۔کشمیر نیوز سروس( کے این ایس) کے مطابق ”میں دگ وجے سنگھ کے بیان سے متفق نہیں ہوں۔ یہ واضح ہے کہ ہم اس سے متفق نہیں ہیں۔ یہ کانگریس کی سرکاری پوزیشن ہے،“ گاندھی نے جموں میں نامہ نگاروں کو بتایا۔انہوں نے کہا کہ انہیں (مسلح افواج) کو کوئی ثبوت فراہم کرنے کی ضرورت نہیں ہے۔ جموں و کشمیر میں بھارت جوڑو یاترا کے دوران ایک جلسہ عام سے خطاب کرتے ہوئے سنگھ نے پیر کو کہا تھا، ”وہ (بی جے پی حکومت) سرجیکل اسٹرائیک کی بات کرتے ہیں۔ ان کا دعویٰ ہے کہ انہوں نے بہت سے لوگوں کو مارا ہے لیکن کوئی ثبوت نہیں دیا جاتا۔ وہ جھوٹ کا پوٹلا لگا کر حکومت کر رہے ہیں۔“