سری نگر: 15،جنوری: کے این ایس : لداخ کے دو سرکردہ اداروں کے نمائندے بدھ کو نئی دہلی میں ریاست کی حمایت میں ایک طے شدہ احتجاج کے لیے جمع ہو رہے ہیں۔کشمیر نیوز سروس( کے این ایس ) کے مطابق کرگل ڈیموکریٹک الائنس (KDA) اور Leh Apex Body (LAB) نے نئی دہلی کے جنتر منتر پر احتجاج کا شیڈول بنایا ہے۔ لداخ کی ماہر تعلیم سونم وانگچک، نے کہا کہ احتجاج دہلی میں کیا جا رہا ہے تاکہ ان کی آواز حکومت تک پہنچ سکے۔دونوں اداروں کے نمائندوں نے کہا کہ وہ اپنے مطالبات کی تکمیل کے لیے مرکزی حکومت پر دباو¿ ڈالنے کے لیے احتجاج کر رہے ہیں۔مرکزی حکومت نے اگست 2019 میں لداخ کو جموں و کشمیر سے الگ کر کے مرکز کے زیر انتظام علاقہ کا درجہ دیا تھا۔لداخ کی دونوں تنظیموں نے گزشتہ سال نومبر میں لداخ کو ریاست کا درجہ دینے، چھٹے شیڈول کے تحت آئینی تحفظات، لیہہ اور کارگل کے لیے دو الگ الگ پارلیمانی نشستوں اور پبلک سروس کمیشن کی تشکیل کا مطالبہ کرتے ہوئے زبردست احتجاجی ریلیاں نکالیں۔مرکزی حکومت نے جنوری میں KDA اور LAB کے نمائندوں کے ساتھ لداخ کے لیے ایک اعلیٰ اختیاراتی کمیٹی تشکیل دی ہے۔ تاہم دونوں اداروں نے کمیٹی کے بائیکاٹ کا اعلان کیا ہے جب تک ان کے مطالبات اس کے ایجنڈے میں شامل نہیں ہوتے۔
