کولگام:۸۱،فروری:ملی ٹنٹ کارروائیوں پرروک اورممکنہ حملوں کوناکام بناتے ہوئے کولگام پولیس نے حزب ملی ٹنٹوںکے3معاونین کو اسلحہ وگولیوں سمیت گرفتار کرلیا۔جے کے این ایس کے مطابق ایس ایس پی کولگام ساحل سرنگل نے یہاں نامہ نگاروں سے بات کرتے ہوئے کہاکہ دہشت گردانہ سرگرمیوں کو روکنے اور عوام کو ان شرپسندوں سے بچانے کےلئے ایک بڑی کامیابی میں جمعہ کو شام کے تقریباً 5بجکر19منٹ پر، پولیس چوکی ہاتھی پورہ اورپولیس تھانہ بیہی باغ کی پولیس پارٹیوں نے کالعدم دہشت گرد تنظیم حزب کے3 دہشت گرد ساتھیوں کو گرفتار کر کے اُن کے قبضے سے اسلحہ وگولیاں برآمد کیں۔انہوںنے بتایاکہ غیر قانونی اسلحہ اور گولہ بارود اپنے ساتھ لے جانے والے ملک دشمن عناصر کے بارے میں ایک قابل اعتماد معلومات کی بنیاد پر، کولگام پولیس نے دادرکوٹ، عالم گنج کراسنگ پر ایک مخصوص ناکا قائم کیا۔ ایس ایس پی کولگام ساحل سرنگل کے مطابق ایک موٹرسائیکل زیر رجسٹریشن نمبرJK22-8034کو وہاں موجود پولیس پارٹیوں نے روک لیا۔موٹراور مذکورہ مشتبہ افراد کی تلاشی کے دوران ایک پستول،2میگزین اور گولیوں کے13 راو¿نڈز برآمد ہوئے۔انہوںنے کہاکہ تینوں افراد کو حراست میں لیا گیا اور ان سے مسلسل پوچھ گچھ کے بعد ابتدائی تفتیش سے پتہ چلتا ہے کہ وہ دہشت گردی کے جرائم میں ملوث ہیں اور دہشت گرد تنظیم کو مدد فراہم کر رہے ہیں۔ ایس ایس پی کے مطابق گرفتار افراد کی شناخت محمد عباس وگے ولد محمد رمضان وگے ساکنہ وویان، امام صاحب،گوہر شفیع میر ولد محمد شفیع میر ساکنہ ڈی کے پورہ شوپیاںاورنثار رحمن شیخ ولد عبدالرحمن شیخ ساکنہ ڈی کے پورہ شوپیاںکے بطورہوئی ہے۔ ایس ایس پی کولگام ساحل سرنگل نے کہاکہ حزب ملی ٹنٹوںنے ان تینوں ساتھیوںکوسیکورٹی میں رہنے والے افراد اورپولیس پر حملے کرنے کاکا م سونپاتھا،اور ان کی گرفتاری سے کولگام پولیس نے ملی ٹنٹ کارروائیوں اورممکنہ حملوں کے منصوبے کوناکام بنادیاہے۔اس سلسلے میں ایف آئی آر نمبر 05/2023 قانون کی متعلقہ دفعات کے تحت پولیس تھانہ بیہی باغ کولگام میں درج کیا گیا ہے اور معاملے کی مزید تفتیش شروع کردی گئی ہے۔