سری نگر:۵۲، فروری: محکمہ موسمیات نے کھلتی دھوپ نکلنے کے بیچ ہفتے کی شام اوراتوار کو کچھ بالائی علاقوں ہلکی بارش وبرف باری کاامکان ظاہر کرتے ہوئے کہاکہ 27فروری کوبھی کشمیروادی میں موسم جزوی طور پرمطلع ابر آلودرہے گا۔اس دوران ہفتے کوپوری کشمیروادی میں دن بھر چمکتی دھوپ چھائی رہی اورلوگوںنے سردی میں قدرے اضافی گرمی محسوس کی ۔جے کے این ایس کے مطابق محکمہ موسمیات نے ہفتے کی صبح کہاکہ آج شام اور اتوار کو کچھ بالائی علاقوں ہلکی بارش وبرف باری کاامکان ظاہر کرتے ہوئے کہاکہ 27فروری کوبھی کشمیروادی میں جزوی طور پرمطلع ابر آلودرہے گا۔محکمہ موسمیات نے مزید کہاکہ 28فروری کو بکھرے ہوئے مقامات پرمطلع ابر آلودرہنے کیساتھ ہلکی بارش وبرفباری ہوسکتی ہے جبکہ متعلقہ محکمہ نے کہاکہ مارچ کی پہلی اوردوسری تاریخ کو میدانی علاقوں میں ہلکی بارش اور اونچی جگہوں پر ہلکی سے درمیانی برف وبارش متوقع ہے ۔تاہم 3تا 7 مارچ کے دوران موسم خشک رہنے کی توقع ہے۔اس دورا ن جمعہ اورہفتے کی درمیانی رات کم از کم درجہ حرارت میں اضافہ ہوا۔محکمہ موسمیات کے ایک اہلکار نے یہاںبتایا کہ پہلگام اور گلمرگ کے بغیر کسی بھی جگہ دوران شب درجہ حرارت صفر سے نیچے نہیں رہا۔