ہرپورہ مومن آرونی اننت ناگ کے مضافاتی گاﺅں میں کہرام

اننت ناگ:۵۲، فروری:جے کے این ایس : جنوبی ضلع اننت ناگ کے ہرپورہ مومن آرونی علاقے میں ہفتے کی صبح اُسوقت سراسیمگی اورتشویش کی لہر دوڑ گئی ،جب یہاں لوگوں نے کچھ میوہ باغات میں تقریباً500درختوںکوکٹا ہواپایا۔جے کے این ایس کے مطابق ایک میڈیا رپورٹ میں بتایاگیاکہ نامعلوم شرپسندوں نے جنوبی کشمیر کے ضلع اننت ناگ کے ہرپورہ مومن آرونی علاقے میں سیب کے 500 سے زائد درختوں کو کاٹ دیا جس سے مقامی باشندوں میں پریشانی پھیل گئی۔میڈیاسے بات کرتے ہوئے مقامی باشندوں نے بتایا کہ ہفتہ کی صبح علاقے کے کچھ رہائشی ان کے باغات میں صرف یہ دیکھنے گئے کہ ان کے سیب کے درخت کاٹے گئے ہیں۔انہوںنے خطرے کی گھنٹی بجا دی اور جلد ہی مکینوں کو معلوم ہوا کہ مزید کئی درخت مکمل کاٹ چکے ہیں جبکہ کئی دیگر درختوں کی شاخیں شرپسندوں نے کاٹ دی ہیں۔مقامی لوگوں کا کہنا تھا کہ سیب کے باغات ہی ان کی روزی روٹی کا واحد ذریعہ ہیں۔ انہوں نے کہا کہ درجنوں خاندان ان سیب کے درختوں پر منحصر ہیں اور درختوں کی کٹائی نے مقامی لوگوں میں زبردست خوف و ہراس پھیلا دیا ہے۔دریں اثنا، مقامی لوگوں نے حکام سے مجرموں کو تلاش کرنے اور ان کے نقصانات کا ازالہ کرنے کی اپیل کی۔پولیس نے اس تشویشناک واقعے کی تصدیق کرتے ہوئے بتایا کہ مقامی لوگوں نے اس معاملے میں شکایت درج کرائی ہے اور مزید تحقیقات شروع کر دی گئی ہے۔