سپورٹس ڈیسک
پلوامہ: ترال کے بجونی سپورٹس سٹیڈیم میں بدھ کو ایک کرکٹ ٹورنامنٹ کا افتتاح کیا گیا۔ اس موقعے پر اے ڈی سی ترال شبیر احمد رینہ مہمان خصوصی کے بطور موجود رہے، جبکہ سٹیڈیم کے انچارج محمد اکرم اور ٹورنامنٹ کے منتظمین بھی اے ڈی سی کے ہمراہ افتتاحی تقریب میں موجود تھے۔ ترال پریمیئر لیگ کے نام سے اس ٹورنامنٹ کا پہلا میچ ترال ہنٹرز اور کنگ سپورٹس چھچکوٹ کے مابین کھیلا گیا، جس دوران دونوں ٹیموں کے کھلاڑیوں نے بہترین کارکردگی کا مظاہرہ کیا ہے، تاہم بعد میں ترال ہنٹرز کی ٹیم نے جیت درج کر لی۔ منتظمین کے مطابق اس ٹورنامنٹ میں ترال، اونتی پورہ اور باقی علاقوں سے وابستہ 60 سے زائد ٹیمیں حصہ لے رہی ہے۔
