سید اعجاز
ترال //بھارتیہ جنتاپارٹی کی جانب سے اتوار کے روز ٹاون ہال اونتی پورہ میں ”ماینارٹی مورچہ“ کا ایک اجلاس منعقد ہوا جس میں پارٹی ترجمان الطاف ٹھاکر، ضلع صدر پلوامہ ماینارٹی مورچہ جہانگیر احمد بٹ، ضلع صدر لطیف احمد بٹ، امرجیت سنگھ یو ٹی وایس صدر، شیخ بشیرسابق صدر ماینارٹی مورچہ، کانسچونسی صدر اونتی پورہ فاروق احمد اور صدر ایم سی ترال منظور احمد خا ن اور دیگر عہدیدار موجود تھے اس موقع پر کءافراد نے بی جے پی میں شمولیت کی اس موقع پر اپنے خطاب میں الطاف ٹھاکر نے بھا جپا کی جانب سے کشمیر کی ترقی میں اہم رول ادا کیا ہے اور آئندہ اسمبلی انتخابات میں پارٹی بہتر کارکردگی کا مظاہرہ کرے گی کیونکہ بی جے پی واحد ایسی پارٹی ہے جو ملک کے ہر شہری کے حقوق کے لیے کام کر رہی ہے اور اس ضمن میں وزیراعظم نریندر مودی ہر شہری کی تعمیر وترقی کے لیے ہر وقت تیار ہے اور یہی وجہ ہے کہ حال ہی میں شمال مشرقی تین ریاستوں میں بھی کامیابی حاصل کی ہے میڈیا سے، بات کرتے ہوئے ضلع صدر پلوامہ لطیف احمد بٹ نے بتایا کہ بی جے پی ماینارٹی مورچہ کی اس میٹنگ میں آج عہد کیا گیا کہ پارٹی کا ایجنڈا گھر گھر پہنچانے کی کوشش کریں گے اس نے مزید کہا کہ بھارتیہ جنتاپارٹی الیکشن کے لیے تیار ہے اور، ہم چاہتے ہیں کہ الیکشن ہوں تاکہ عوامی حکومت قایم ہو انہوں نے مزید بتایا کہ پلوامہ ضلع میں بھارتیہ جنتاپارٹی ہر گزرتے دن کے ساتھ مضبوط ہو رہی ہے اور عوامی سطح پر اس پارٹی کو پزیرائی مل رہی ہے.۔