سری نگر:18،مارچ: لیفٹیننٹ گورنر جناب منوج سنہا کی ہدایات پر عمل کرتے ہوئے، ڈپٹی کمشنر پلوامہ بصیر الحق نے اونتی پورہ میںسڑک حادثے میں مرنے والوں کے لواحقین کے لیے ایک ایک لاکھ روپے ایکس گریشیا ریلیف کا اعلان کیا۔ انہوں نے شدید زخمیوں کے لیے 25 اور معمولی زخمیوں کے لیے 10 کی امداد کا اعلان بھی کیا۔کشمیر نیوز، سروس( کے این ایس) کے مطابق ڈپٹی کمشنر پلوامہ بصیر الحق چودھری نے بتایا کہ مہلوکین کی لاشوں کو گھر بھیجنے کے لیے سرکاری سطح پر تمام ضروری انتظامات کیے جا رہے ہیں اونتی پورہ میں میڈیا کے ساتھ گفتگو کرتے ہوئے ضلع ترقیاتی کمشنر پلوامہ بصیر الحق چودھری نے بتایا کہ آج صبح ہوے اس المناک حادثے میں چار افراد فوت جبکہ متعدد افراد زخمی ہوگئے ہیں انہوں نے بتایا کہ زخمیوں کو علاج معالجے کے لیے ضلع انتظامیہ کی جانب سے بروقت انتطامات کیے گئے ہیں اور ایل جی منوج سنھا کی ہدایات پر مہلوکین کے لواحقین میں ایک لاکھ روپے جبکہ شدید زخمیوں میں پچس ہزار روپے کی ایکس گریشا منظور کی گئی ہے انہوں نے کہا جاں بحق افراد کے لاشوں کو گھر پہچانے کے لئے انتظامات کئے جا رہے ہیں ۔بعد ازاں انہوں نے اونتی پورہ میں بس حادثے میں زخمی ہونے والے افراد کی صحت کے بارے میں دریافت کرنے کے لیے ایس ایم ایچ ایس اور بون اینڈ جوائنٹ اسپتال کا دورہ کیا۔ ڈی سی نے اس بات کو یقینی بنایا کہ پلوامہ اور سری نگر کے مختلف ہسپتالوں کے ڈاکٹروں اور پیرا میڈیکل سٹاف کے ذریعے زخمیوں کی بہترین ممکنہ دیکھ بھال کی جا رہی ہے۔