سری نگر:۱۱،اپریل:کشمیرمیں مسلسل 5ویں روز مطلع صاف اورموسم خشک رہنے کے بیچ محکمہ موسمیات نے 15اپریل تک موسم بنیادی طور پرخشک وخوشگوار رہنے کی پیش گوئی کردی ہے۔اس دوران پیراور منگل کی درمیانی رات بیشتر مقامات پر درجہ حرارت بہتر رہنے کے بیچ منگل کے روز دن کے درجہ حرارت میں اضافہ ریکارڈکیاگیا جبکہ محکمہ موسمیات نے آنے والے دنوںمیں دن کے درجہ حرارت میں نمایاں اضافہ ہونے کاامکان ظاہر کیاہے ۔ جے کے این ایس کے مطابق گزشتہ جمعہ سے کشمیروادی میں موسم مجموعی طور پرخشک رہاہے ،اور منگل کوبھی صبح سے ہی آسمان صاف رہنے کے ساتھ دھوپ کھلتی رہی ،جسکے نتیجے میں دن کے درجہ حرارت میں اضافہ ہونے سے لوگوںنے گرمی محسوس کی ۔محکمہ موسمیات نے کہاکہ پیراور منگل کی درمیانی رات بیشتر مقامات پر درجہ حرارت بہتر ریکارڈ کیاگیا۔متعلقہ محکمے کے مطابق دوران شب سری نگرمیں کم سے کم درجہ حرارت 7.1ڈگری سینٹی گریڈ ،قاضی گنڈمیں 4.8،پہلگام میں 3.0،کوکرناگ میں7.7،گلمرگ میں 3.5اورکپوارہ میں شبانہ درجہ حرارت 5.2ڈگری سینٹی گریڈریکارڈ کیاگیا۔رات کے وقت درجہ حرارت بہتر رہنے کے بعد منگل کودوپہر ایک بجکر 30منٹ پرسری نگرمیں درجہ حرارت 22ڈگری سینٹی گریڈ تھاجبکہ بارہمولہ میں 19،کپوارہ میں21،بانڈی پورہ میں13،بڈگا م میں18،گاندربل میں22،پلومہ میں21،کولگام میں بھی21،شوپیان میں21اور اننت ناگ میں22ڈگری سینٹی گریڈ تھا۔اس دوران منگل کودن کے ساڑھے 12بجے محکمہ موسمیات کے ڈپٹی ڈائریکٹر ڈاکٹر مختاراحمد نے تازہ موسمیاتی اَپ ڈیٹ جاری کرتے ہوئے فی الوقت کشمیر وادی اور جموں صوبے میں جزوی طور پر بادل چھائے رہنے کے باوجود بنیادی طور پرآسمان صاف ہے ۔انہوںنے پیش گوئی کی کہ15اپریل تک جموں وکشمیرمیں موسم بنیادی طور پر خشک رہنے کاامکان ہے ۔محکمہ موسمیات کے ڈپٹی ڈائریکٹرنے تاہم کہاکہ 16سے21اپریل تک جموں وکشمیرمیں وقفے وقفے سے کہیں کہیں گرج چمک کیساتھ ہلکی بارش ہوسکتی ہے ۔ڈاکٹر مختارنے ساتھ ہی کہاکہ منگل کوبعدددوپہراور شام کے وقت گرج چمک کی سرگرمی سے انکار نہیں کیا جا سکتا۔انہوںنے کہاکہ کاشتکاروں کو مشورہ دیا جاتا ہے کہ وہ اپنے باغات پر سپرے کریں۔ محکمہ موسمیات کے ڈپٹی ڈائریکٹر ڈاکٹر مختاراحمد نے تازہ موسمیاتی اپ ڈیٹ میں کہاکہ آنے والے ایام میں دن کے درجہ حرارت میں نمایاں اضافہ ہونے کی توقع ہے۔