جموں/30اپریل2023ئلیفٹیننٹ گورنر منوج سِنہا نے اِنڈیا سکاﺅٹس اینڈ گائیڈز ، ڈوگرہ کرانتی دَل اور کشمیر روڈ سیفٹی فاﺅنڈیشن کے زیر اہتمام میرا تھن کو ہری جھنڈی دِکھا کر روانہ کیا۔وزیر اعظم نریندر مودی جی کے ’ ’من کی بات “ریڈیو پروگرام کے 100 ویں قسط کو منانے ، بیداری پیدا کرنے، منشیات کے اِستعمال اور منشیات کی سمگلنگ کے خلاف کارروائی اور تعاون مضبوط کرنے کے لئے آج جموںوکشمیر میں 100 میرا تھن کا اِنعقاد کیا گیا۔لیفٹیننٹ گورنر نے ” من کی بات“ سے ملک کے نوجوانوں کو چیلنجوں پر قابو پانے اور زندگی میں اہم ہدف طے کرنے کی ترغیب دینے پر وزیرا عظم نریندر مودی کا شکر یہ اَدا کیا۔اُنہوں نے مزید کہا کہ وزیر اعظم نے مختلف پس منظر سے تعلق رکھنے والے نوجوانوں کو قوم کی تعمیر کے لئے اِکٹھا کیا ہے۔لیفٹیننٹ گورنر نے کہا،” اِنڈیا کی سب سے بڑی طاقت کثرت میں وحدت ہے ۔ وزیر اعظم نے ’ من کی بات ‘ پروگرام سے لوگوں کو اَپنی وراثت پر فخر کرنے کی ترغیب دی ہے اور دُنیا میں ہندوستان کا نام بلند کرنے میں سائنس دانوں ، اَساتذہ ، ادیبوں اور فن کاروں کی نمایاں شراکت کا اعتراف کیا ہے۔“اُنہوں نے اِس موقعہ پر نوجوانوں سے خطاب کرتے ہوئے کہا کہ زندگی کے مختلف شعبوں سے تعلق رکھنے والے اَفراد منشیات کی بدعت کے خلاف مہم میں شامل ہوئے ہیں۔لیفٹیننٹ گورنر نے کہا کہ آج جموںوکشمیر کے نوجوان منشیات کے خلاف اُٹھ کھڑے ہوئے ہیں۔ مجھے یقین ہے کہ ہماری اِجتماعی کوششیں پڑوسی ملک کی طرف سے پھیلائی جانے والی منشیات کی دہشت گردی کا خاتمہ کریں گی اور منشیات سے پاک جموںوکشمیر کی تعمیر کے اہداف کو حاصل کرنے کی راہ پر گامزن ہوں گی۔اِس موقعہ پر ممبر پارلیمنٹ جُگل کشور شرما، چیف سرپرست ڈوگرہ کرانتی دَل ایس بلونٹ سنگھ منکوٹیا ، سینئر سول اور پولیس اَفسران ، اِنڈیا سکاﺅٹس اینڈ گائیڈز اور کشمیر روڈ سیفٹی فاﺅنڈیشن کے اَفسران ، نوجوان سکاﺅٹس اینڈ گائیڈز موجود تھے۔