نیوز ڈیسک
ترال: سینٹرل ریزرو پولیس فورس (سی آر پی ایف) 180 بٹالین کی جانب سے جمعرات کو ترال کشمیر کے حاجن گاؤں میں ایک مفت میڈیکل کیمپ کا اہتمام کیا گیا، جس میں لوگوں کی ایک بڑی تعداد نے شرکت کی۔ اس موقعے پر لوگوں کا علاج و معالجہ کیا گیا، جبکہ ان میں مفت دوائیاں تقسیم کی گئی۔ کیمپ میں سی آر پی ایف ڈاکٹروں کے علاوہ مقامی طبی مراکز سے آئے ہوئے ڈاکٹرز بھی موجود تھے۔ اس دوران مقامی لوگوں نے سی آر پی ایف کے اس اقدام کی تعریف کرکے آگے بھی اس طرح کے کیمپوں کو منعقد کرنے کی گزارش کی ہے۔ ادھر سی آر پی ایف کے کمانڈنٹ ہرش وردن نے بتایا کہ سی آر پی ایف اس علاقے میں آنے والے وقت میں بھی پروگرام منعقد کریں گی۔
