ترال: وادی کشمیر کی خوبصورت جگہوں کا سیر کرنے کے لئے جموں کشمیر موئنٹین بائیکنگ ایسوسیشن کے بینر تلے، سرینگر کے نوجوانوں کا ایک گروپ وادی میں سائیکلنگ ٹور کر رہا ہے- اس سلسلے میں گروپ سے وابستہ ایک درجن کے قریب ممبران نے حال ہی میں سائیکلوں کے زریعے جنوبی کشمیر کے ترال سب ضلعے کے آری پل تحصیل کے کچھ صحت افزاء مقام کی سیر کی ہے۔ اس دوران ایک ماہر صحت، جو سائیکلنگ گروپ کا حصہ تھے، نے سرینگر میل سے بات کرتے ہوئے کہا ہے کہ ایسی سرگرمیاں انہیں ہر طرح سے فٹ اور متحرک رکھتی ہیں۔ انہوں نے کہا کہ سائیکل چلانے سے نوجوانوں کو منشیات سے دور رکھا جا سکتا ہے جبکہ اس سے وہ جسمانی طور پر تندرست رہیں گے۔ گروپ سے وابستہ ایک افراد نے کہا کہ وہ ہر روز صبح سائیکلنگ پر جاتے ہیں، جبکہ چھٹیوں کے دن وہ سائیکلوں کے زریعے ہی کشمیر کے صحت افزاء مقامات کی سیر بھی کرتے ہیں۔
