سید اعجا ز
لیبر ڈپارٹمنٹ نے ڈسٹرکٹ لیگل سروسز اتھارٹی کے ساتھ مل کر لیبر قوانین کے بارے میں بیداری پیدا کرنے اور چائلڈ لیبر کے مسئلے کو حل کرنے کے لیے ایک آگاہی پروگرام کا کامیاب انعقاد کیا۔اس دوران منعقدہ تقریب میں یہاں مختلف کار باری افراد اور دیگر لوگوں کی ایک بڑی تعداد نے شرکت کی ہے۔تقریب چیف جوڈیشل مجسٹریٹ جناب منصور احمد لون اور اے ڈی ڈی سی پلوامہ ڈاکٹر عبدالعزیز شیخ تقریب میں موجود تھے۔ اس موقع پر بار کونسل پلوامہ کے وکلاءنے بھی اس پورگرام میںشرکت کی۔جبکہ لائسیم انٹرنیشنل سکول پلوامہ، ڈولفن انٹرنیشنل سکول پلوامہ، سولیس انٹرنیشنل سکول سمیت مختلف سکولوں کے طلباءنے بھی اپنی موجودگی اور چائلڈ لیبر سے متعلق آگاہی کے حوالے سے خوبصورت تقاریر سے تقریب کو اور زیادہ دلچسپ بنایا۔حاضرین سے خطاب کرتے ہوئے اسسٹنٹ لیبر کمشنر پلوامہ نے لیبر قوانین کی اہمیت پر روشنی ڈالی اور معاشرے میں رائج چائلڈ لیبر کے اہم مسئلے پر روشنی ڈالی۔ انہوں نے اس بات پر زور دیا کہ طلباءمزدور طبقے کے لیے دستیاب مختلف فائدہ مند اسکیموں کے بارے میں بیداری پھیلانے کے لیے بطور سفیر ایک اہم کردار ادا کرتے ہیں۔ انہوں نے ان پر زور دیا کہ وہ ہمارے معاشرے سے چائلڈ لیبر کی لعنت کو ختم کرنے میں بڑھ چڑھ کر حصہ لیں۔انہوں نے مزیدکہا کہ محکمہ محنت مزدور برادری کی بہتری کے لیے کام کرنے کے لیے پرعزم ہے اور مستقبل میں بھی اس طرح کے اقدامات کا انعقاد جاری رکھے گا۔تقریب کے دوران اسسٹنٹ لیبر کمشنر ہفصہ قیوم نے درخواست گزاروں/ زیر کفالت افراد میں ایک موت اور 2 لاکھ50 ہزار روپے کی تعلیمی امداد بھی تقسیم کی۔
اس تقریب نے مزدور قوانین کی اہمیت کو تسلیم کرنے، مزدوروں کے لیے تعلیمی مواقع کو فروغ دینے، اور معاشرے پر چائلڈ لیبر کے مضر اثرات کے بارے میں بیداری پیدا کرنے کے لیے ایک پلیٹ فارم کے طور پر کام کیا۔
