جموں و کشمیر کا مستقبل صرف بھارت کے ساتھ محفوظ اور بہتر :الطاف بخاری

سید اعجاز
ترال//جموںو کشمیر اپنی پارٹی کے سربراہ سیدالطاف احمد بخار نے اتوار کو کہا کہ جموں و کشمیر کا مستقبل صرف بھارت کے ساتھ محفوظ اور بہتر ہے انہوں نے بتایا ہماری لڑائی سچ اور جوٹ کے درمیان ہے ۔ان کا کہنا تھا کہ گزشتہ74سال کے دوران جموںو کشمیرکے لوگوں کو بیوقوف بنایا گیا ہے ۔بخاری ترال کے بٹہ گنڈ علاقے میں اتوار کے روز ایک اجتماع سے خطاب کر رہے تھے ۔ انہوں نے کہا یہ سچ اور جھوٹ کے درمیان لڑائی ہے انہوں نے بتایا ایک طرف تمام سیاسی جماعتیں جھوٹ بولنے پر نکلے ہیں ودسری جانب ہم واحد جماعت ہے جو لوگوں کو سچ بولتا ہے اورہم نے ہمیشہ کیا ہم سچ کی سیاست کریں گے ۔انہوں نے کہا میں لوگوں کو یاد دلانا چاہتا ہوں کہ وہ کیسے باہرنکل سکتے اگر ہم نے یہاں ماحول نہیں بنایا ہوتا۔انہوں نے کہا ہم نے یہاں گالیاں کھائی لیکن سچ بولنے کے ساتھ کوئی سمجھوتہ نہیں کیا ہے ۔اپنی پارٹی سربراہ نے پی ڈی پی صدر محبوبہ مفتی کانام لئے بغیر کہا ہم ڈرامہ نہیں کرتے ہیں کہ گیٹ کو اندر سے دکا دیتے ہیں ۔خیال رہے13جولائی کو محبوبہ مفتی کے مطابق اس کا گیٹ باہر سے فورسز نے بند رکھا تھا ۔بخاری نے بتایا ہمارے نوجوانوں میں قابلیت کی کمی نہیں ہے انہوں نے اس بچے کی ذکر ہے جس نے ڈرون بنایا ہے ۔انہوں نے بتایا میں وعدہ دیتا ہوں کہ سرکاری نوکریاں سب کو ہم فراہم نہیں کر سکتے ہیں لیکن جموںو کشمیر کے نوجوان کو کسی کے سامنے ہاتھ نہیں پھیلانے نہیں دیں گے ۔الطاف بخاری نے کہا جیلوں میں کوئی نہیں رہنا چاہے انہوں نے مذہنی رہنماﺅں کی رہائی کا بھی مطالبہ کیا ہے کیوں کہ موجودہ دور میں جب منشیات کے خلاف سب کھڑے ہیں اس وقت سب سے اہم اور موثر کردار ہمارے علماءکرام کا بن جاتا ہے اس لئے انہیں رہا کیا جانا چاہے ۔انہوں نے جیلوں میں بند نوجوانوں کی رہائی کی بھی وکالت کی ہے ۔اپنی پارٹی سربراہ نے میڈیا نمائندوں کے ساتھ بات کرتے ہوئے مزید کہا کہ نوجوانوں کی رہائی کا جو مسئلہ ہے وہ عمل جاری ہے لیکن ہم یہ نہیں گنوانا چاہتے ہیں کہ ہم نے کسی کو رہا کروایا۔انہوں نے کہا جیلوں میں کوئی نہیں رہنا ہے اور ہم اس کا مسقتل حل چاہے ۔ایسا حل نہیں کوئی بھی سرکار آئے پاسپورٹ بند کرے گئی کبھی نوکریوں کا مسئلہ بلکہ ایک پر منٹ حل ہم چاہتے ہیں تاکہ جموںو کشمیر کے لوگوں کو مزید کسی پریشانی کا سامنا نہ کرنا پڑے ۔انہوں نے پی ڈی پی،کانگریس اور این سی کی بھی تقریر میں خوب خبر لی ہے ۔ ان کے علاوہ یہاں غلام حسن میر،رفیع احمد میر،منتظر محی الدین ، عبد المجید پڈر،غلام محمد میر منظور احمد گنائی وغیرہ نے بھی تقریر کی ہے ۔الطاف بخاری نے کہا جموںو کشمیر میں حالات بہتر ہوئے ہیں اور محروم کے ایام شروع ہوئے ہیں انہوں نے کہا جموںو کشمیر میں حالات بہتر ہوئے ہیں اس لئے اب کی بار محروم کے جلوسوں کو نکلنے کی اجازت ملنی چاہے ۔انہوں نے کہااتنا پڑا امر ناتھ یاترا ہم نے منعقد کیا ہے تو ہم محروم کے جلوسوں کو بھی اجازت ملنا چاہے ۔انہوں نے کہا ان لوگوں کو کیا وسوسہ ہے ؟انہوں نے جموںو کشمیر میں امن کا کریڈٹ یہاں کے لوگوں کو ملنا چاہے کیوں کہ لوگوں کے بغیر امن نا ممکن تھا۔اس لئے خیال رہے بارشوں کے باجود بھی اس اجلاس میں ترال کے دور افتادہ علاقوں سے لوگ آئے تھے ۔ بعد میں بخاری سابق ممبر اسمبلی ترال حاجی مشتاق شاہ کے گھر بھی گئے جو کافی مدت سے بیمار تھے