گرمائی راجدھانی میںگزشتہ 3ماہ کے دوران چاقویا چھرازنی کے واقعات کے پیش نظرضلع انتظامیہ متحرک

سری نگر:۱۲،جولائی :جے کے این ایس : گزشتہ 3ماہ کے دوران سری نگرشہر میں چاقویا چھرازنی کے متعدد واقعات کے پیش نظر ضلع انتظامیہ نے شہر سری نگرکی حدودمیں 9انچ لمبے اور2انچ چوڑائی والے نوک دار ہتھیار بشمول چاقو اور چھرے کی عام خریدوفروخت پر پابندی عائد کردی ہے ۔ضلع مجسٹریٹ سری نگر نے جمعہ کوا س حوالے سے ایک آرڈر جاری کرتے ہوئے مطلع کیا ہے کہ جس کسی بھی شخص یاشہری کے پاس ایسے کوئی تیز دھار یانوک دار ہتھیار یاکوئی چیز موجود ہے ،وہ اگلے72گھنٹوںمیں ایسے تیزدھار والے ہتھیار وغیرہ کونزدیکی پولیس تھانے میں جمع کرادے ۔جے کے این ایس کے مطابق ضلع ترقیاتی کمشنر سری نگر،جوکہ ضلع مجسٹریٹ بھی ہیں ،نے 21جولائی 2023کو ایک آرڈر زیر نمبر DMS/jud/144rpc/2023/581-583جاری کیا ،جس میں عام لوگوں کو مطلع کیا گیاہے کہ وہ حالیہ کچھ مہینوں کے دوران شہر سری نگرکے مختلف علاقوںمیں رونماہوئے یاپیش آنے والے چاقویا چھرا زنی کے وواقعات کے پیش نظر اپنے پاس موجود تیز دھار والے ہتھیاروںکو نزدیکی پولیس تھانوںمیں جمع کرادیں ۔جاری آرڈر میں کہاگیاہے کہ ایس ایس پی سری نگرکی جانب سے 12جولائی2023کوضلع انتظامیہ کوایک مواصلت زیر نمبر CS/07-23/31489-91موصول ہوئی ،جس میں اسبات کاذکرکیاگیاہے کہ سری نگر ضلع کے مختلف علاقوں بشمول قمرواری ،بمنہ ،کرالہ پورہ ،بتہ مالو،نوہٹہ ،کوٹھی باغ ،اوررام باغ وغیرہ میں گزشتہ3مہینوںکے دوران چاقو یا چھرازنی کے متعددواقعات پولیس نے ریکارڈ یا درج کئے ہیں ۔پولیس نے اپنی مواصلت میں کہاہے کہ تیز دھار والے ہتھیاروںکا عام آدمی کے پاس ہونا شہریوںکی سلامتی اورحفاظت کے اعتبار سے خطرناک ثابت ہوسکتا ہے ،اور عام شہریوںکی زندگیوں کیلئے خطرات پیداہوسکتے ہیں ۔ضلع مجسٹریٹ نے یہ باور کرایا ہے کہ آرمز ایکٹ 1959کے تحت عام شہریوں ماسوائے گھریلو استعمال ،زرعی کام ،سینٹیفک یا صنعتی مقاصد کیلئے اپنے پاس رکھنا ایک قابل سزا جرم یا عمل ہے ،اسلئے سری نگرضلع کی حدود میں 9انچ لمبے اور2انچ چوڑائی والے نوک دار ہتھیار بشمول چاقو اور چھرے کی عام خریدوفروخت پر پابندی عائد کردی گئی ہے ۔ضلع مجسٹریٹ کے جاری آرڈرمیں یہ بھی کہاگیاہے کہ عام لوگوں کو مطلع کیا جاتاہے کہ جس کسی بھی شخص یاشہری کے پاس ایسے کوئی تیز دھار یانوک دار ہتھیار یاکوئی چیز موجود ہے ،وہ اگلے72گھنٹوںمیں ایسے تیزدھار والے ہتھیار وغیرہ کونزدیکی پولیس تھانے میں جمع کرادے۔ضلع مجسٹریٹ سری نگرنے سی آر پی سی144کے تحت حاصل اختیارت کے تحت سری نگر ضلع کی حدودمیں ایسے تمام تیز دھار والے ہتھیاروں بشمول چاقوﺅں ،تلواروں،خنجروں،بوکس کٹرس اور ریزرس وغیرہ ،جن سے کسی بھی شخص کو گزند پہنچ سکتی ہے ،کی عوامی مقامات پرعام خریدوفروخت یعنی کاروباراور نمائش وغیرہ پر فوری طور سے پابندی عائد کی گئی ہے ۔تاہم اس پابندی کااطلاق سیکورٹی فورسزکے اہلکاروں کے ساتھ ساتھ قصابوں ،ترکھانوں ،الیکٹرشنوں اور باورچیوں پر نہیں ہوگا۔ضلع مجسٹریٹ نے متنبیہ کیا ہے کہ ا س حکم کی خلاف ورزی کی صورت میں انڈین پینل کوڈ 1860کے سیکشن 188کے تحت کارروائی کی جائیگی ۔ضلع مجسٹریٹ سری نگرنے ایس ایس پی سری نگرکو ہدایت دی ہے کہ وہ اس آرڈر پرمن وعن عمل درآمد کویقینی بنائیں