نسبل سمبل میں تیندوے کے حملے میں 7 سالہ بچہ جاں بحق۔بچہ پیر کی شام کو ہوا تھا لاپتہ۔پورے علاقے میں خوف وہراس۔

مختار احمد
نسبل سمبل سوناواری علاقے میں منگل کو ایک المناک واقعہ میں ایک سات سالہ بچے کو تیندوے نے اپنا نیوالہ بنا کر مار ڈالا۔اطلاعات کے مطابق سمنل نسبل میں  پیر کی شام سنسنی کا ماحول پیدا ہوا جب  ایک سات سال کالڑکا زید بشیر ولد بشیر احمد لاپتہ ہوگیا   جس کے بعد اطلاع ملتے ہی پولیس، 13 آر آر، سی آر پی ایف، اور مقامی لوگوں نے اس کا سراغ لگانے کے لیے بڑے پیمانے پر تلاشی مہم شروع کی ۔تلاشی کاروائی کے دوران ایک  کھیت کے قریب لڑکے کے خون کے دھبے اور کپڑے ملے تھے، جس سے انہیں شبہ ہوا کہ  تیندوے نے، جو اس علاقے میں اکثر دیکھا جاتا تھا، نے لڑکے پر حملہ کرکے اپنے ساتھ لے گیا ہے ۔تاہم تلاشی کاروائی کو جاری رکھتے ہوئے 10 گھنٹے سے زیادہ کی تلاش کے بعد، منگل کی علی الصبح لڑکے کی مسخ شدہ لاش نسبل میں ایک قریبی پہاڑی سے ملی۔پولیس نے بچے کی لاش کو اپنی تحویل میں لیکر ضروری قانونی کارروائی کے بعد لاش کو آخری رسومات کے لیے اہل خانہ کے حوالے کر دیا گیا۔واقعے کی وجہ سے جہاں پورے علاقے میں صف ماتم چھایا ہوا ہے وہیں علاقے میں تیندوے کی موجودگی سے لوگ کافی خوف زدہ بھی ہیں مقامی لوگوں نے وائیڈ لائیف محکمے سے مطالبہ کیا ہے کہ اس خونخار تیندوے کو قابو میں کرنے کے لئے جلد اقدام کئے جائیں تاکہ کسی جادثے کو ٹالا جائے۔