سری نگر30 اگست ,کے این ایس سپر اسٹار شاہ رخ خان نے اپنی فلم "جوان” کی ریلیز سے قبل، جموں و کشمیر کے ریاسی ضلع میں تریکوٹہ پہاڑیوں کے اوپر ماتا ویشنو دیوی کے قابل احترام مندر پرحاضری دیکر پوجا کی۔کشمیر نیوز سروس ( کے این ایس ) کے مطابق ایک اہلکار نے بتایا، 58سالہ اداکار منگل کی رات دیر گئے مزار پر حاضری دینے پہنچے۔”سپر اسٹار منگل کی شام بیس کیمپ کٹرا پہنچا اور تقریباً 11.40 بجے مزار تک پہنچنے کے لیے تاراکوٹ کے نئے راستے کا استعمال کیااور یہاں حاضری دیکرواپس چلے گئے،‘ایک مختصر ویڈیو جس میں اداکار کو مزار پر دیکھا جا رہا ہے، جو نیلے رنگ کی جیکٹ میں ملبوس ہے اور اس کا چہرہ مکمل طور پر ڈھکا ہوا ہے، سوشل میڈیا پر گردش کر رہی ہے۔اس کلپ میں ویشنو دیوی شرائن بورڈ کے افسران، کچھ پولیس اہلکار اور سپر اسٹار کے ذاتی عملے کو دیکھا جا سکتا ہے۔شاہ رخ کا نو ماہ میں وشنو دیوی کا یہ دوسرا دورہ ہے۔ اداکار نے اس سے قبل دسمبر 2022 میں اپنی بلاک بسٹر ہٹ "پٹھان” کی ریلیز سے ایک ماہ قبل مزار کا دورہ کیا تھا۔جوان”، ایک ہائی آکٹین ایکشن تھرلر، تامل فلمساز ایٹلی کی طرف سے ہدایت کی گئی ہے. یہ 7ستمبر کو سینما گھروں کی زینت بنے گی۔فلم میں نینتھارا، وجے سیتھوپتی، پریامانی اور سانیا ملہوترا بھی ہیں۔ دیپیکا پڈوکون اسپیشل اپیئرنس کر رہی ہیں۔
