نیوز ڈیسک
سری نگر، 09 ستمبر جنوبی کشمیر کے پلوامہ ضلع کے کنگن علاقے میں ایک موٹر سائیکل سوار تیز رفتار ٹپر کی زد میں آکر ہلاک لقمہ اجل بن گیا۔
ذرائع نےبتایا کہ ایک موٹر سائیکل سوار کو کنگن پلوامہ گاؤں میں ایک تیز رفتار ٹپر جس کی رجسٹریشن نمبر JK13G 1817 تھی، نے ٹکر مار دی اور اس کی موقع پر ہی موت ہو گئی۔نوجوان کی شناخت اعجاز احمد بٹ ولد خورشید احمد بٹ ساکن تلسارا پکھیر پورہ بڈگام کے طور پر کی گئی ہے۔انہوں نے بتایا کہ واقعہ کے بعد ٹپر ڈرائیور موقع سے فرار ہوگیا۔انہوں نے کہا کہ پولیس موقع پر پہنچ گئی ہے اور مزید تفتیش شروع کر دی گئی ہے۔
