اپنے نمائندوں سے
ترال/جنوبی ضلع اننت ناگ کے کوکر ناگ گڈول کے جنگلات میں فورسز اور ملی ٹینٹوں کے مابین ہوئے انکونٹر میں مارے گئے فوجی افسران اور جموں و کشمیر پولیس کے ایک ڈی ایس پی کے ہلاکت کے خلاف ووادی کشمیر کے شمال و جنوب کے ساتھ ساتھ جموں میں بھی احتجاجی مظارہے ہوئے ہیں جس دوران مارے گئے اہلکاروں کو شاندار الفاظ میں خراج عقیدت پیش کی گی۔تفصیلات کے مطابق جنوبی بدھ کے روز جنوبی کوکر ناگ علاقے میں مارے گئے افسران کی ہلاکے کو لیکر جنوبی کشمیر کے ضلع پلوامہ کے قصبہ ترال میں جمعرات کی شام ایک کنڈل مارچ نکالا گیا ہے یہ مارچ ٹاون ہال ترال سے بس اسٹینڈ تک نکالا گیا ہے جس میں سماج کے مختلف طبقہ ہائے فکر سے تعلق رکھنے والے لوگوں نے شرکت کی ۔ مارچ میں شامل سکولی بچوں اورباقی افراد نے شرکت کی ہے ،انہوں نے یہاں ہلاکتوں پر شدید برہمی کا اظہار کرتے ہوئے تینوں افسران کا شاندار الفاظ میں خراج عقیدت پیش کی بعد میں یہ مارچ پر امن طور پر بس اسٹینڈ میں اختتام پزیر ہو اہے۔ادھر شمالی کشمیر کے ضلع بارہمولہ کے کیری علاقے میں بھی اسی طرح کا ایک کنڈل مارچ نکالا گیا ہے جس میں عام لوگوں ،سیول سوسائٹیز ممبران ،فورسز اور سرکاری عہدہ داروں نے اس مارچ میں حصہ لیا اور جاں بحق بہادر افسران کو خراج عقیدت پیش کی ہے لوگ یہاں جاری خون خرابے کے سلسلے کو ہمیشہ کے لئے بند کرنے کا مطالبہ کر رہے تھے ۔ادھر سرحدی تحصیل لولاب میں بھی اسی طرح کا ایک مارچ نکالا گیا ہے جس میں لوگوں کی ایک بڑی تعداد نے شرکت کی ہے ۔ادھر جنوبی ضلع کولگام میں بھی ایک مارث شام دیر گئے نکالا ہے جس میں مختلف طبہ ہائے فکر سے تعلق رکھنے والے لوگوں بشمول ٹریڈ یونین نے شرکت کی ہے اور تینوں افسران کو خراج عقیدت پیش کی ہے۔ ادھر گاندر بل سے نمائندے مختاراحمد نے اطلاع دی ہے کہ کوکرناگ میں گزشتہ روز پیش آئے ملی ٹینٹ حملے میں مارے گئے فوجی کرنل میجر اور پولیس کے ڈی ایس پی کو خراج پیش کرنے کے لئے گاندربل کے گھنٹہ گھر دودرہامہ چوک میں جمعرات کی شام کو ایک کینڈل مارچ نکالا گیا جس میں ضلع سے تعلق رکھنے والے سیاسی سماجی افراد کے علاوہ چیرمین میونسپل کونسل گاندربل ایڈوکیٹ الطاف احمد کے علاوہ کئی تجارت پیشہ افراد نے حصہ لیا مارچ میں شامل مظاہرین نے دہشت گردانہ حملے اور فوج اور پولیس اہلکاروں کی ہلاکتوں کی شدید مذمت کی۔ ڈی ایس پی ہمایوں بھٹ اور آرمی کے کرنل اور میجر کی عظیم قربانیوں کو خصوصی خراج عقیدت پیش کیا گیا۔اس موقعے پر ایک سماجی کارکن فاروق احمد نے بتایا کہ قوم ان جانبازوں کی قربانی ہمیشہ یاد رکھے گی ایڈوکیٹ الطاف نے کہا کہ وہ اس طرح کے دہشت گردانہ حملوں کی مزمت کرتے ہیں اور وہ شہید ہوئے فوجی افسران اور پولیس ڈی ایس پی کو سلام پیش کرتے ہیں۔ادھ ر جموں میں بھی اسے حوالے سے دن میں ایک احتجاج نکلااگیا ہے ۔خیال رہے کوکر ناگ کے کے گڈول علاقے کے جنگلات میں ملی ٹینٹوں کے ساتھ ایک مسلح تصادم آرائی میںفوج کا ایک کرنل ،میجر اور جموں و کشمیر پولیس ڈی ایس پی ہمایو مزمل جاں بحق ہوئے ہیں ۔
