شعبہ اردو کشمیر یونی ورسٹی کی جانب توسیعی خطبات کے سلسلے کو آگے بڑھایا

سری نگر//شعبہ اردو کشمیر یونی ورسٹی کی جانب توسیعی خطبات کے سلسلے کو آگے بڑھاتے ہوئے صدر شعبہ اردو عارفہ صاحبہ کی صدارت میں کو ایک توسیعی خطبے کا اہتمام کیا گیا ہے۔ جس میں مہمان مقرر ڈاکٹر عرفان عارف نے "شعر، شعریات اور غزل ” کے موضوع پر ایک پر مغز خطبہ دیا ہے۔ انھوں نے شعریات کے روایتی اور جدید تصورات کی بنیاد پر تصور شعر کی افہام و تفہیم میں کئی اہم اور نئے نکات کو واضح کیا ہے۔ علاوہ ازیں انھوں نے غزل کی شعریات پر ارتکاز کرتے ہوئے غزل کےفنی اصول و ضوابط کے ساتھ ساتھ معنی آفرینی جو کہ شعریات ہی کا حصہ ہے؛ اس حوالے سے بھی اہم نکات کی طرف توجہ دلا دی۔ اس کے علاوہ انھوں نے بنیادی سطح پر غزل کے اہم بلکہ بنیادی اجزا کو آسان لیکن موثر انداز میں بیان کیا ہے۔ جس سے طلبا غزل کے بنیادی اجزا سے نہ صرف واقف ہوئے بلکہ شعر کے تخلیقی ابعاد کو سے بھی
شناسا ہوئے۔ توسیعی خطبے میں شعبہ اردو کے اساتذہ کے ساتھ ساتھ ریسرچ اسکالز اور طلبا کی کثیر تعداد موجود رہی۔یہ خطبہ بدھ کے روز منعقد ہوا ۔