سری نگر25ستمبر ,بچاو کارروائیوں کے ایک شاندار مظاہرہ میں، وادی بنگس کے گہرے جنگلاتی علاقے میں ایک پھنسے ہوئے خاندان کو پولیس اور فوج کی مشترکہ کوششوں سے، ڈائل 112 خدمات کی مدد سے بچایا گیا۔کشمیر نیوز سروس ( کے این ایس ) کے مطابق ایک اہلکار نے بتایا کہ 24ستمبر کو ڈائل 112 پر ایک خاندان کے بارے میں پریشانی کی اطلاع موصول ہوئی جو وادی بنگس میں سیر کے لئے آئے تھے انہوں نے بتایا کہ عتیق الرحمٰن کے ساتھ پانچ خواتین اور پانچ چھوٹے بچوں پر مشتمل اس خاندان نے، جن میں کل گیارہ افراد تھے، واپسی کے سفر کے لیے ہندواڑہ کی طرف بالائی راجوار وڈر بالا کے راستے کا انتخاب کیا۔انہوں نے بتایابدقسمتی سے، وہ گھنے جنگلوں میں اپنا راستہ بھول گئے، اور ان کی گاڑی پھنس گئی، جس سے وہ آگے نہیں بڑھ سکے۔صورتحال کی نزاکت کو سمجھتے ہوئے انہوں نے فوری مدد کے لیے ڈائل112پر رابطہ کیا۔فوری طور پر جواب دیتے ہوئے، ڈائل 112 نے علاقے میں کام کرنے والے متعلقہ پولیس یونٹوں کو اس حوالے سے مطلع کیااور انچارج پولیس چوکی زچلدرہ نے پولیس ٹیم اور 21RR کے فوجی جوانوں کے ساتھ مل کر ریسکیو آپریشن شروع کیا۔ سخت کوششوں کے بعد، مشترکہ ٹیم نے کامیابی کے ساتھ پھنسے ہوئے خاندان کو تلاش کیا اور انہیں بچا لیا، اس طرح تمام گیارہ افراد کی جانیں بچ گئیں۔مزید برآں، پولیس کے ذریعہ ترتیب دیے گئے ایک JCB نے ان کی پھنسی ہوئی گاڑی کو اس مقام سے کھینچ لیا، اور مشترکہ ٹیم نے انہیں واپس گھر کا سفر جاری رکھنے کے لیے مرکزی سڑک پر لے جایاگیا۔
