لیفٹیننٹ گورنر نے کپواڑہ میں آر آئیز، سرحدی دیہات کے رہائشیوں اور متعدد عوامی وفود کے ساتھ اِستفساری گفتگو کی

کپواڑہ/06اکتوبر2023ئ لیفٹیننٹ گورنر منوج سِنہا نے کپواڑے کے اَپنے دورے کے دوسرے دِن آج عوامی وفود سے اِستفساری گفتگو کی۔لیفٹیننٹ گورنر کوپی آر آئی ممبران پر مشتمل وفود، سرحدی دیہات کے رہائشی، ٹریڈرس فیڈریشن، پہاڑی، گوجر بکروال اور اقلیتی کمیونٹیوں کے ارکان، کسانوں، ٹرانسپورٹروں، میڈیا کمیونٹی اور بار ایسوسی ایشن نے ترقی سے متعلق مختلف مسائل اور عوامی اہمیت کے دیگر امور سے آگاہ کیا۔لیفٹیننٹ گورنرنے وفود کو ان کے مسائل اور شکایات کے بروقت ازالہ کی یقین دہانی کی۔اُنہوں نے میڈیا نمائندوں سے بات چیت کرتے ہوئے کہا کہ عوام پر مبنی پالیسیوں نے ضلع میں ہمہ گیر ترقی کو نئی تحریک دی ہے اور عام آدمی پُراَمن ماحول میں رہ رہا ہے۔ اُنہوں نے یہ بھی کہا کہ منصوبہ بند کوششوں کے نتیجے میں ضلع میں سیاحوں کی آمد میں نمایاں اِضافہ ہوا ہے۔لیفٹیننٹ گورنر نے کہا کہ بجلی دور دراز علاقوں تک پہنچ گئی ہے اور جل جیون مشن کے تحت کاموں میں تیزی لائی گئی ہے۔ ہمیں اُمید ہے کہ اِس برس 31 دسمبر تک ضلع میں ” نل سے جل “ کے تحت تمام گاﺅں ، پنچایتوں اور گھرانوں کا احاطہ کرنے کا ہدف حاصل کیا جائے گا ۔ اُنہوں نے کہا کہ اِس کے لئے 70 فیصد کام پہلے ہی مکمل ہو چکا ہے۔اُنہوں نے کپواڑہ سے ریل رابطے سے متعلق سوال کا جواب دیتے ہوئے کہا کہ وزارتِ ریلوے نے ضلع کپواڑہ کے لئے ریل لائن کے سروے کومنظوری دی ہے۔ اُنہوں نے کہا کہ سروے مکمل ہونے اور ڈی پی آر جمع ہونے کے بعدمجھے اُمید ہے کہ ریل لنک پر کام شروع ہو جائے گا اور کپواڑہ کو ریل نیٹ ورک سے جوڑ دیا جائے گا۔لیفٹیننٹ گورنر نے گرین جے اینڈ کے مہم کے ایک حصے کے طور پر” سرمائی شجرکاری مہم “کا آغاز کیا۔ مہم کے دوران ضلع میں 8.5 لاکھ پودے لگائے جائیں گے۔اِس سے قبل لیفٹیننٹ گورنر نے ماتا کھیر بھوانی استھاپن ٹِکر کپواڑہ میںحاضری دی اور سب کی سلامتی، خوشحالی، فلاح و بہبود کے لئے دعا کی۔
لیفٹیننٹ گورنر منوج سِنہا نے کپواڑہ میں رات گزاری اور ضلع کے لوگوں کی ترقیاتی ضروریات کا جائزہ لینے کے لئے متعدد عوامی وفود اور اَفسران کے ساتھ بات چیت کی۔