سید اعجاز
ترال//ترال میں گزشتہ چند سال کے دوران پی ایم جی ایس وائی جہاں بہتر کام کاج کے لئے جانا تاہے اور ہر کوئی یہاں سڑک کو مزکورہ محکمے سے تعمیرکروانے کا خواب دیکھتے ہیں۔تاہم ترال میں ہی ایک وسیع علاقے ”ترال بٹ نور“تک جانے والی قریب11کلو میٹر رابط سڑک کو زبردست عوامی اسرار اور سڑک کی اہمیت کو مد نظر رکھ کر تعمیر کرنے کو منظوری ملی ہے جس پر مقامی لوگوں نے زبردست خوشی اور اطمنان کا اظہار کرتے ہوئے خوشی کا اظہار کیا ہے مقامی لوگوں کی ایک وفد نے بتایا ہم یہ دیکھ کر حیران ہوئے کہ مزکورہ سڑک جو آج سے کئی سال قبل کسی اور تعمیراتی ایجنسی نے تعمیر کر کے سڑک پر پہلے ہی 14فٹ پر میکڈم بچھاہے تاہم پی ایم جی ایس وائی نے سڑک کے 12فٹ چوڑائی پر میکڈم بچھانے کی منظوری دی ہے جس پر مقامی لوگوں نے سخت مایوسی کا اظہار کیا ہے ۔وفد میں شامل معزز اور تجربہ کار افراد نے بربتایا کہ ہمیں خدشہ ہے منصوبے میں کوئی غلطی ہوئی ہے جس کی وجہ سے یہاں پر یہ مسئلہ پیش آیا ہے ۔انہوں نے بتایا ترال کہلیل روڑ قصبہ میں ایک نمونہ ہے جس کو پی ایم جی ایس وائی نے ہی بنایا ہے جبکہ ترال آری پل یا باقی سڑکیں جو18فٹ ہے لیکن اس سڑک کو اگر 12فٹ پر میکڈم بچھایا گیا ہے تو یہ سڑک پہلے سے تنگ ہو گی اور سڑک تعمیر کرنے کا مقصد ہی فوت ہوجائے گا ۔ریاض احمد نامی ایک نوجوان نے بتایا کہ جب پہلے ہی14فٹ پر میکڈم بچھایا گیا ہے اور پی ایم جی ایس وائی تحت سڑک کو کشادہ کرنے اور کم سے کم18فٹ پر میکڈم بچھانے کے لئے لوگوں نے پی ایم جی ایس وائی کے تحت تعمیر کرنے کا مطالبہ کیا تھا ۔انہوں نے بتایا اگر ہمیں یہ معلوم ہوتا کہ اصل میں ہی کم کریں گے تو ہم یہ مطالبہ کبھی نہیں کر تے ۔ انہوں نے ایل جی انتظامیہ ،محکمہ پی ایم جی ایس وائی کے چیف انجینئر ،ڈپٹی کمشنر سے اس بارے میں مداخلت کی اپیل کی ہے۔اس حوالے سے اگر چی محکمے کے کسی افسر سے بات کرنے کی کوشش کی ہے تاہم شام تک رابط ممکن نہیں ہوسکا۔تاہم ذرائع سے معلوم ہوا ہے کہ منصوبہ تیار کرنے کے دوران غلطی کی وجہ سے مسئلہ پیدا ہو ا ہوگا جس کو مزید کچھ رقم کی فراہمی یا دیگر کچھ اقدامات کی وجہ سے حل کرنے کی گنجائش ہے ۔تاکہ یہ منظور شدہ پروجیکٹ پائیہ تکمیل تک پہنچ سکے گا۔
