سری نگر9نومبر ,جنوبی کشمیر کے پہاڑی ضلع شوپیان کے ایک گاﺅں میں فوج اور پولیس نے ایک گاﺅں میں ملی ٹینٹوں کی موجودگی کے حوالے سے ایک مصدقہ اطلاع موصول ہونے کے بعد علاقے میں دوران شب ہی آپریشن شروع کر کے تلاشی شروع کی جس دوران طرفین کے مابین گولیوں کا تبادلہ ہوا ہے جس میں ایک مقامی ٹی آری ایف ملی ٹینٹ کو مارا گیا ہے ۔کشمیر نیوز سروس ( کے این ایس ) کو پولیس نے بتایا کہ ضلع شوپیاں کے گاو¿ں کتھوہلان علاقے میں دہشت گردوں کی موجودگی سے متعلق مخصوص اطلاع پر کارروائی کرتے ہوئے، شوپیاں پولیس اور فوج (2 راجپوت) نے مذکورہ علاقے میں ایک مشترکہ محاصرہ اور تلاشی آپریشن شروع کیا۔سرچ آپریشن کے دوران، مشترکہ سرچ پارٹی جیسے ہی مشتبہ مقام کے قریب پہنچی تو چھپے دہشت گردوں نے ان پر اندھا دھند فائرنگ کردی، جس کا موثر جوابی کارروائی کی گئی جس کے نتیجے میں تصادم شروع ہوگیا۔اس کے بعد ہونے والے تصادم میں، 1 مقامی دہشت گرد کی شناخت میسر احمد ڈار عرف عادل ولد غلام نبی ڈار ساکنہ ویشرو پائین کے نام سے ہوئی، جس کا تعلق کالعدم دہشت گرد تنظیم TRF سے تھا اور اس کی لاش انکاو¿نٹر کے مقام سے برآمد کر لی گئی۔انکاو¿نٹر کے مقام سے مجرمانہ مواد، اسلحہ اور گولہ بارود برآمد کیا گیا۔ برآمد ہونے والے تمام سامان کو مزید تفتیش کے لیے کیس ریکارڈ میں لے لیا گیا ہے۔اس سلسلے میں قانون کی متعلقہ دفعات کے تحت مقدمہ درج کر لیا گیا ہے اور مزید تفتیش جاری ہے۔ لوگوں سے درخواست کی جاتی ہے کہ وہ اس وقت تک پولیس کے ساتھ تعاون کریں جب تک کہ انکاو¿نٹر کے مقام پر موجود علاقے کو مکمل طور پر صاف نہیں کیا جاتا اور تمام دھماکہ خیز مواد، اگر کوئی ہے تو اس سے پاک کر دیا جاتا ہے۔
