جموں و کشمیر میں آج دیر سے بارش اور برفباری شروع ہوگی: موسمیات

سری نگر9نومبر محکمہ موسمیات نے کہا کہ جموں و کشمیر میں جمعرات شام سے بارش اور برف باری شروع ہوگی۔تاہم محکمہ موسمیات نے واضح کیا ہے برف باری جنوبی کشمیر کے کولگام اور شوپیان اور کولگام کے پہاڑی علاقوں میں ہونے کی امید ہے جبکہ میدانی علاقوں میں بارشوں کا اامکان تاہم کسی بڑی تبدیلی کا کوئی امکان نہیں ہے ۔کشمیر نیوز سروس ( کے این ایس ) کے مطابق محکمہ کے ایک اہلکار نے بتایا کہ فی الحال، موسم عام طور پر ابر آلود ہے اور چند مقامات پر ہلکی بارش کے ساتھ ابر آلود ہے۔انہوں نے بتایاکہ جمعرات کی شام سے بالائی علاقوں میں ہلکی برف باری ہوگی جبکہ میدانی علاقوں میں بارشوں کا امکان ہے انہوں نے بتایا کہ رازدان پاس، سادھنا پاس، سنتھن پاس، زوجیلا اور مغل روڈ، اور جنوبی اور وسطی کشمیر کے چند درمیانی علاقوں میں ہلکی برفباری ہو گی۔انہوں نے کہا کہ کل، صبح کے اوقات میں بکھرے ہوئے مقامات پر ہلکی بارش/برف کے ساتھ موسم عام طور پر ابر آلود رہے گا اور دوپہر میں اس کے بعد بہتری آئے گی۔اس مدت کے دوران، اونچائی تک سطح کی نقل و حمل میں عارضی خلل پڑنے کا امکان ہے۔ انہوں نے کہا کہ 11سے 18 نومبر تک موسم دوبارہ خشک رہے گا۔