اننت ناگ//بھارتیہ جنتاپارٹی کے سنگت انچارج جنوبی کشمیر ویر جی صراف نے کہا کہ ڈورو شاہ آباد والے علاقے میں مختلف سیاسی پارٹیوں کے بڑے بڑے لیڈران یہاں رہتے ہیں لیکن یہاں کے لوگ سمجھ چکے ہیں ان سیاسی پارٹیوں نے ان کے ساتھ استحصال کیا ہے جس کی وجہ سے یہاں لوگ مشکلات سے دو چار ہیں ۔نامہ نگار میر ارشد کے مطابق ویر صراف یہاںضلع اننت ناگ کے نوگام شاہ آباد بالا میںپارٹی ورکران کے ساتھ ایک میٹنگ کے بعد میڈیا نمائندوں کے ساتھ بات چیت کر رہے تھے انہوں نے کہا انتخابات آنے والے ہیں اور ہم تیاری کرنے لگے ہیں۔اس موقع پر بی جے پی سنگت انچارج جنوبی کشمیر ویر صراف، حلقہ انچارج ڈورو شاہ آباد ظہور احمد میر اور ڈورو شاہ آباد حلقہ کے تمام کلسٹروں کے کلسٹر انچارج موجود تھے۔ میڈیا سے بات کرتے ہوئے ویر صراف نے کہا کہ بی جے پی انتخابات کے لیے تیار ہے اور وہ تمام الیکشن جیتے گی چاہے وہ اسمبلی، پارلیمانی یا یو ایل بی الیکشن ہوں کیونکہ جموں و کشمیر کے لوگ جانتے ہیں کہ ان کے لیے کیا اچھا ہے اور کیا برا ہے………..
