سری نگر24 نومبر ,ڈیموکریٹک پراگریسو آزاد پارٹی کے سینئر لیڈر میر الطاف نے وادی کشمیر میں بجلی بحران پرشدید تشویش کا اظہار کرتے ہوئے ایل جی انتظامیہ سے عوام کو بلا خلل اورشیڈول کے مطابق بجلی سپلائی فراہم کرنے کی اپیل کی ہے ۔کشمیر نیوز سروس ( کے این ایس ) کے مطابق ڈی پی اے پی کے سینئر لیڈر نے جمعہ کے روز ایک بیان میںبتایا وادی کشمیر میں دن بدن سردی میں شدت آئی ہے وہی دوسری جانب لوگوں کوبجلی کی آنکھ مچولی سے شدید سردی میں تکلیف دہ صورتحال کا سامنا ہے انہوں نے محکمے سے لوگوں کو بلا خلل بجلی سپلائی فراہم کرکے اس مصیبت سے نجات دلانے کی اپیل کی ہے۔میر الطاف نے جموںوکشمیر کے ایل جی منوج سنہا سے اس سلسلے میں مداخلت کی اپیل کی ہے۔تاکہ عوام کو اس سخت موسم میں کسی پریشانی کا سامنا نہ کرنا پڑے۔