سری نگر27 نومبر ,کے این ایس ویتھ پبلیکشنز کی جانب سے تقریب پزیرائی اور محفل شعر و سخن کا انعقاد کیا گیا۔جس میں سرینگر چھانہ پورہ سے تعلق رکھنے والی دو بہنوں جاسرہ اسلم اور صالح اسلم کی دو کتابوں (veiled destiny) اور stimulus to a brooded soul کی رسم رونمائی بھی ہوئی ۔کشمیر نیوز سروس کے مطابق جس میںپروگرام کی نظامت ازکا نثار نے کی اور پروگرام کا آغاز تلاوت کلام پاک سے کیا گیا ، تلاوت کی سعادت طارق اعظم کو نصیب ہوئی۔ حشر افنان نے نعت رسول مقبول سے حاضرین محفل کے دلوں کو عشق رسول سے منور کیا، باوجود موسم کی ٹھنڈک کے فخر موجودات، سرور کائنات خاتم النبیین رحمت العالمین حضرت محمد صلی اللہ علیہ والہ وسلم کی محبت نے دلوں کو گرما دیا۔بعد ازاں ویتھ پبلیکیشنز کے سی ، ای ، او عابد شاھین نے استقبالیہ پیش کیا اور تقریب کی غرض و غایت سے آگاہ کیا۔اس کے بعد مشاعرہ شروع ہوا جس میں وادی کے نونہال شعرا کرام نے شرکت کی۔زندگی کے کئی سالوں سے میں بھی ایسی محفلوں میں شریک ہوتا رہا ہوں اردو زبان کی چاشنی اور کشمیری زبان کی حلاوت ہمیشہ من کو بھاتی رہی ہے یہی وجہ کل دل کو ایک الگ سی خوشی محسوس ہوئی جب دیکھا ہماری نسل نو میں شاعری کا رجحان بڑھتا جارہا ہے یہی لطیف احساس محسوس ہوا اور بہت اچھے مسحور کن کلام سننے کو ملے۔شعراکرام میں وادی کے چار بڑے شاعر بھی موجود تھے ، نثار اعظم، صاحب ،ڈاکٹر مسرور مظفر ،حاشر افنان، اور وادی کشمیر کے جمے ہوئے شاعر ساگر سرفراز جو کسی تعارف کے محتاج نہیں انہوں نے بھی شرکت فرما محفل کی رونق میں اضافہ کیا۔ صدر ایوان میں موجود اشخاص، ڈاکٹر ونود کمار ،ڈاکٹر شازیہ صدیقی ،عبدلروف تانترے،آسف اقبال سائمہ شفی (کرال کور)۔ موجود رہے۔تمام شعرائکرام اور مہمانان نے ہماری ان دونوں بہنوں کو مبارکباد پیش کی اور ان کے حق میں دعائیں بھی کی۔ڈاکٹر ونود کمار صاحب نے اپنے خطاب میں فرمایا کہ 25 سے 30 سالوں سے یہ دیکھنے کو ملا ہے کہ ہماری بہنوں ،بیٹیوں نے اب ہر میدان میں اپنی صلاحیتوں کو بروئے کار لا کر نام کمایا ۔ ڈاکٹر باری وسے صاحب نے کہا کہ عورت کو ہم نے صرف محفلوں کی زینت بنایاجبکہ نبی کریم صلی اللہ علیہ وسلم نے عورت کو اپنی بیٹی بنا کر عزت بخشی۔پھر دونوں نو عمر مصنفہ نے تمام مہمانان کا شکریہ ادا کیا بعد میںسارے مہمانان گرامی اور شعرا کرام کو انعامات سے نوازا گیا۔
