جموں :6؍ فروری
لوک سبھا نے درجہ فہرست قبائل جن میں پہاڑی ،پاڈریقبائل ، کولی اور گڈا برہمن کو درجہ فہرست قبائل درجہ فراہم کرنے والی آئینی (جموں وکشمیر ) شیڈول ٹرائبس آرڈر (ترمیمی) بل2024منظور کر لی ہے ۔لیفٹنٹ گورنر نے اس موقعہ پر اپنے ایک بیان میں اسے جموں وکشمیر کیلئے ایک تاریخی دن قرار دیتے ہوئے کہا ہے کہ لوک سبھا میں آئینی (جموں و کشمیر ) شیڈول ٹرائبس آرڈر(ترمیمی) بل2024کا پاس ہونا ایک تاریخ ساز لمحہ ہے جس نے جموں وکشمیر میں محروم قبائل کو ان کا جائز حق دلانے کی خاطر تاریخ رقم کی ہے ۔انہوں نے کہا کہ پہاڑی ،پاڈری ،کولی اور گڈا برہمن قبائل کی یہ دیر ینہ مانگ تھی کہ انہیں درجہ فہرست قبائل کے زمرے میں شامل کیا جا نا چاہئے اور آج ان کا یہ دیرینہ مطالبہ پورا ہو گیا ہے
