کولگام/28فروری2024ئضلع اِنتظامیہ کولگام نے آج ضلع کے تین بلاکوں میں ” میگا بلاک دیوس“ کا اِنعقاد کیا تاکہ عوامی مسائل ، شکایات اور مطالبات کاجائزہ لیا جاسکے۔ دورانِ پروگرام ضلع کے ڈی ایچ پورہ، کولگام اور دیوسر بلاکوں میں تقریبات کا اِنعقاد کیا گیا۔
متعلقہ محکموں کے افسروں اور ملازمین نے تینوں مقامات پر عوام کے مسائل ، شکایات اور اُن کے بروقت اَزالے کے لئے مطالبات سنے۔
دریں اثنا، ایڈیشنل ڈپٹی کمشنر ( اے ڈی سی ) کولگام وقار احمد گیری نے کولگام میں ایک شکایات ازالے کیمپ کی صدارت کی ۔اِس موقعہ پر ضلعی اِنتظامیہ کے اَفسران بھی موجود تھے۔
کھی جوگی پورہ، محمد پورہ، آریہ، اوہاٹو، سرینڈو، پوہلو، رازلو اور دیگر علاقوں سے آئے ہوئے وفد نے اے ڈی سی کو اَپنے مسائل سے آگاہ کیا اور اَپنے مطالبات پیش کئے۔
مختلف علاقوں کے متعدد وفود نے ضلع بھر میں بجلی کی غیر شیڈول کٹوتی کا مسئلہ اُٹھایا۔
اِس موقعہ پر موجود اَفسران نے اَپنے محکموں سے متعلق لوگوں کے سوالات اور مطالبات کا جواب دیا۔
اے ڈی سی نے عوام کو بغور سُننے کے بعد موقعہ پرموجود شکایات کی کچھ فوری نوعیت کا اَزالہ کیا اور یقین دِلایا کہ بقیہ جائزمسائل اور شکایات کا بروقت اَزالہ کیا جائے گا۔
محکمہ بجلی کو ضلع میں بجلی کی صورتحال کو بہترکرنے کی ہدایت دی گئی۔
