سری نگر/28فروری2024ئ
ناظم زراعت کشمیر چودھری محمد اِقبال نے آج کچن گارڈن احاطے لال منڈی سری نگر میں سبزیوں کی پینری تقسیم کرنے کے تیسرے مرحلے کا اِفتتاح کیا۔
سبزیوں کی پینری تقسیم کرنے کی مہم کے تیسرے مرحلے کے تحت کچن گارڈن لال منڈی سری نگر سے کاشتکاروں کو پھول گوبھی، گوبھی، کڑم اور ساگ کے 8 لاکھ پینری فراہم کئے جا رہے ہیں۔
اِس موقعہ پر ناظم زراعت نے خطاب کرتے ہوئے کچن گارڈن اور ہائی ٹیک پولی ہاو¿س تنصیبات کے متعلقہ افسران وملازمین کی کاوشوں کو سراہتے ہوئے کہا کہ محکمہ فارمنگ کمیونٹی کو سال بھر سبزیوں کی پنیری فراہم کرنے میں کافی حد تک کامیاب رہا ہے اور مقررہ اہداف کے حصول تک یہ کوشش جاری رہے گی۔
اُنہوں نے علاقے کے لئے سبزیوں کی کاشت کی اہمیت پر روشنی ڈالی اورتعلیم یافتہ نوجوانوں سے کہا کہ وہ آگے آئیں اور اسے کیریئر کے آپشن کے طور پر اَپنائیں۔
اِس موقعہ پر وادی بھر کے کسانوں ، کچن گارڈن سے محبت کرنے والے اور بیک یارڈ کے کاشت کاروں کی ایک بڑی تعداد موجود تھی۔
