ترال//گزشتہ روز ترال کے ڈادسرہ میں مقامی زیارت شریف اور مساجد کی کھڑکیوں کو نقصان پہنچانے اور قرآن پاک کی بے حرمتی کرنے کے واقعہ کے حوالے سے شواہد کی بنیاد پر پولیس اونتی پورہ نے دوران تفتیش جرم کے مرتکب منظور احمد کی شناخت کرلی ہے۔پولیس نے ایک بیان میں بتایا کہ مذکورہ شخص واقعہ میں ملوث ترال سے تعلق رکھنے والا ذہنی طور پر معذور پایا جاتا ہے۔اس کے اہل خانہ اور جاننے والوں سے تفتیش سے معلوم ہوا کہ مذکورہ شخص پہلے بھی اس طرح کا رویہ دکھاتا رہا ہے۔ مزید تفتیش جاری ہے۔عوام سے گزارش ہے کہ کسی بھی افواہ پر کان نہ دھریں اور اپنے مفادات کے لیے ماحول کو خراب کرنے کے لیے شرپسند عناصر اور مفاد پرستوں کا شکار نہ ہوں۔