نئی دہلی:۱۳؍جون
پی ایم مودیوزیر اعظم نریندر مودی نے جمعرات کو کہا کہ انہیں خوشی ہے کہ مسلسل تیسری میعاد میں ان کا پہلا دورہ G-7 چوٹی کانفرنس کے لئے اٹلی کا ہے اور انہوں نے کہا کہ ہندوستان اٹلی کے ساتھ اور بحر الکاہل اور بحیرہ روم کے علاقے میں اپنی اسٹریٹجک شراکت داری کو مضبوط کرنے اور ہندوستان میں تعاون کو مضبوط بنانے کے لئے پرعزم ہے۔ وزیر اعظم مودی اطالوی وزیر اعظم جارجیا میلونی کی دعوت پر 14 جون کو G7 آؤٹ ریچ سمٹ میں شرکت کے لیے اٹلی کے اپولیا علاقے کا سفر کر رہے ہیں۔اپنے دورے سے پہلے روانگی کے بیان میں پی ایم مودی نے کہا کہ G7 آؤٹ ریچ سمٹ گلوبل ساؤتھ کے لیے اہم مسائل پر غور و خوض کرنے کا ایک موقع ہے۔ انہوں نے کہا کہ بات چیت کے دوران مصنوعی ذہانت، توانائی، افریقہ اور بحیرہ روم پر توجہ مرکوز کی جائے گی۔ انہوں نے کہا، "یہ ہندوستان کی صدارت میں منعقدہ G20 سربراہی اجلاس اور آئندہ G7 سربراہی اجلاس کے نتائج کے درمیان زیادہ ہم آہنگی لانے کا موقع ہوگا، اور ان مسائل پر غور و خوض کیا جائے گا جو گلوبل ساؤتھ کے لیے اہم ہیں۔پی ایم مودی نے کہا کہ وہ چوٹی کانفرنس میں شریک دیگر قائدین سے ملاقات کے منتظر ہیں۔ انہوں نے کہا کہ مجھے خوشی ہے کہ لگاتار تیسری میعاد میں میرا پہلا دورہ G-7 چوٹی اجلاس کے لیے اٹلی کا ہے۔ میں 2021 میں G20 سربراہی اجلاس کے لیے اٹلی کے اپنے دورے کو گرمجوشی سے یاد کرتا ہوں۔ گزشتہ سال وزیر اعظم میلونی کے ہندوستان کے دو دورے متاثر کن تھے۔ ہمارے دو طرفہ ایجنڈے میں رفتار اور گہرائی ہم ہندوستان-اٹلی اسٹریٹجک پارٹنرشپ کو مضبوط بنانے اور ہند-بحرالکاہل اور بحیرہ روم کے خطوں میں تعاون کو مضبوط بنانے کے لیے پرعزم ہیں۔جی 7 سمٹ میں یہ ہندوستان کی 11ویں اور جی 7 چوٹی کانفرنس میں پی ایم مودی کی مسلسل پانچویں شرکت ہوگی۔ اٹلی میں G7 سربراہی اجلاس 13 اور 14 جون کو منعقد ہو رہا ہے۔
