سرینگر:۱۶؍جون
ایڈیشنل چیف سیکرٹری جنگلات و ماحولیات دھیرج گپتا نے آج ٹاکن واری۔ بخشی پورہ سری نگر میں علاقے کی ترقیاتی ضروریات کا جائزہ لینے اور عوامی مسائل اور مطالبات کو حل کرنے کے لئے ایک عوامی رَسائی پروگرام کا اِنعقاد کیا۔یہ تقریب اِنتظامیہ اور مقامی لوگوں کے درمیان تعلق کو مضبوط بنانے اور علاقے میں رہنے والے لوگوں کی ترقیاتی اور فلاحی ضروریات کو سننے کی کوشش میں منعقد کی گئی تھی۔عوامی دربار میں ٹاکن واری ۔ بخشی پورہ کے بزرگوں اور نوجوانوں کی بڑی تعداد نے شرکت کی جنہوں نے ایڈیشنل چیف سیکرٹری اور ضلعی اِنتظامیہ اور سول محکموں کے دیگر افسران کو اَپنی ضروریات سے آگاہ کیا۔اِس موقعہ پر ضلع ترقیاتی کمشنر سری نگر بلال محی الدین بٹ اور کمشنر ایس ایم سی ڈاکٹر اویس احمد بھی موجود تھے۔دھیرج گپتا نے اِجتماع سے خطاب کرتے ہوئے ترقیاتی اور فلاحی پروگراموں کو عملانے کے لئے عوامی اور سرکاری ملازمین کے درمیان مسلسل تعاون کی ضرورت پر زور دیا تاکہ عام لوگ مستفید ہوسکیں۔اُنہوںنے عوامی دربار میں زبردست شرکت پر مقامی لوگوں کی سراہنا کی اور شہریوں کی فلاح و بہبود کے لئے اِنتظامیہ کے عزم کا اعادہ کیا۔مقامی علاقوں کے نمائندوں نے تقریب کے دوران سڑکوں کی اَپ گریڈیشن، نکاسی آب نظام میں بہتری، صحت اور تعلیمی اِداروں کے بنیادی ڈھانچے کی ترقی، سٹریٹ لائٹس کے آپریشن اور کمیونٹی اور عوامی اہمیت کے دیگر مسائل سمیت مختلف مسائل اُجاگر کئے۔ایڈیشنل چیف سیکرٹری نے موقعے پرہی متعلقہ افسران کو مختلف عوامی مسائل کے اَزالے اور بعض مسائل کے لئے ٹائم لائنز مقرر کرنے کی ہدایات جاری کیں۔دریں اثنأ،ضلع ترقیاتی کمشنر اور کمشنر ایس ایم سی نے یقین دِلایا کہ ان کے نوٹس میں لائے گئے تمام انتہائی اہمیت کے معاملات کو جلد از جلد حل کیا جائے گا اور اِس سلسلے میں مقامی لوگوں سے تعاون بھی طلب کیاہے۔بعد میں ایڈیشنل چیف سیکرٹری نے شیخ باغ اور آبی گزر لال چوک میں پبلک یوٹیلٹی ٹوائلٹ بلاکوں کا اِفتتاح کیا اور انہیں عوام کے نام وقف کیا۔ اِس موقعہ پر دھیرج گپتا نے کمشنر ایس ایم سی کو بہتر دیکھ ریکھ اور اِنتظام کے لئے یوٹیلٹی بلاکوں کو آؤٹ سورس کرنے کی ہدایت دی۔اِس موقعہ پر اے ڈی سی سری نگر سیّد احمد کٹاریہ، تعلیم، پی ایچ ای، آر اینڈ بی، آبپاشی، کے پی ڈی سی ایل، ریونیو اور دیگر متعلقہ افسران بھی موجود تھے۔
