حالات معمول پر رہے تو جموں و کشمیر کاریاستی درجہ اکتوبر سے پہلے بحال ہوگا:مرکزی ویزر اتھاوالا

سرینگر8 اگست : سماجی انصاف اور بااختیاری کے مرکزی وزیر مملکت رام داس اتھاوالے نے جمعرات کو کہا کہ اگر حالات معمول پر رہے تو مرکز اسی سال اکتوبر سے پہلے جموں و کشمیر کو ریاست کا درجہ بحال کر سکتا ہے۔کشمیر نیوز سروس( کے این ایس) کے مطابق جمعرات کوسری نگر میں ایک پریس کانفرنس سے خطاب کرتے ہوئے اٹھاولے نے کہا کہ اکتوبر میں قانون ساز اسمبلی کے انتخابات بھی ہو سکتے ہیں۔ واضع رہے کہ سپریم کورٹ آف انڈیا نے گزشتہ سال دسمبر میں الیکشن کمیشن آف انڈیا کو ہدایت کی تھی کہ جموں و کشمیر میں قانون ساز اسمبلی کے انتخابات 30ستمبر 2024تک کرائے جائیں۔تاہم، رام داس اٹھاولے نے آج کہا کہ مہاراشٹر، جھارکھنڈ اور چھتیس گڑھ میں اکتوبر سے پہلے انتخابات ہونے والے ہیں۔ اور یہ کہ اکتوبر سے پہلے ریاست کا درجہ بحال کیا جا سکتا ہے اور انتخابات بھی اکتوبر میں ہوں گے۔انہوں نے مرکزی وزیر داخلہ امت شاہ کے اس بیان کویاددلایا جو انہوں نے آرٹیکل 370 کی منسوخی کے وقت دیا تھا کہ مرکز جموں و کشمیر کو ریاست کا درجہ بحال کرے گا۔انہوں نے کہا کہ اس خطے میں لوک سبھا انتخابات 2024میں زیادہ ووٹروں کی ٹرن آو¿ٹ کی تعریف کرتے ہوئے، اٹھاولے نے کہا کہ اگست 2019 میں خصوصی پرپزیشن کو منسوخ کرنے کے بعد سے سیاحت کو فروغ حاصل ہوا ہے۔”2.11 کروڑ سے زیادہ سیاح بشمول غیر ملکی یہاں آئے ہیں۔ لوگ اب کشمیر جانے سے نہیں ڈرتے۔ پہلے وہ آنا چاہتے تھے لیکن دہشت گردی انہیں یہاں آنے سے روک رہی تھی۔ اب ایل جی نے مجھے بتایا کہ کچھ واقعات کے باوجود امن قائم ہے۔ان کے مطابق، انہوں نے جموں و کشمیر میں ایس سی کو2 لاکھ سے زیادہ پری اور پوسٹ میٹرک اسکالرشپس اور 84000 سے زیادہ او بی سی طلباءکو وظائف دیے ہیں۔ انہوں نے مزید کہا، "جموں و کشمیر میں ایس سی اور او بی سی 8 فیصد ہیں، لیکن کشمیر میں ایک بھی ایس سی خاندان نہیں ہے۔”مرکزی وزیر نے مزید بتایا کہ ایس سی اور او بی سی کے خلاف مظالم ایکٹ کے تحت کل 74 مقدمات درج کیے گئے ہیں۔انہوں نے کہا کہ اس وقت جموں و کشمیر میں 16 اولڈ ایج ہوم ہیں اور حکومت ہر ضلع میں ایک کھولنے کا منصوبہ رکھتی ہے۔وزیر نے کہا کہ ان کی پارٹی ریپبلکن پارٹی آف انڈیا جموں و کشمیر قانون ساز اسمبلی کے انتخابات میں کم از کم 10سے15امیدوار کھڑے کرے گی۔