سری نگر:۷۲، اگست: : اہم علاقائی سیاسی جماعت نیشنل کانفرنس نے اتحادی جماعت کانگریس کیساتھ سیٹوں کی تقسیم کا معاملہ طے پانے کے بعد منگل کو اپنے32اُمیدواروں کی لسٹ جاری کردی جبکہ پارٹی نے پیرکی شام کو پہلے ہی19اُمیدواروں کے نام منظر عام پرلائے تھے،اوراس طرح سے نیشنل کا نفرنس نے اب تک اپنے51اُمیدواروں کو نامزد کیاہے ،جس میں نیشنل کانفرنس کے نائب صدر عمر عبداللہ کا نام بھی شامل ہے ،جنہوںنے یوٹی کے ہوتے جموںوکشمیرکے اسمبلی انتخابات میں حصہ نہ لینے کاکئی مرتبہ عہدکیاتھا تاہم پیرکی شام انہوںنے اسمبلی انتخابات میں شامل ہونے کا یہ کہہ کر اشارہ دیاتھاکہ میں ووٹروں کو کیسے بولوں گاکہ آیاوہ ووٹ ڈالے کہ نہیں ۔جے کے این ایس کے مطابق نیشنل کانفرنس نے اسمبلی انتخابات کےلئے منگل کو اپنے32 اُمیدواروں کی دوسری فہرست جاری کی ۔ جس میں گاندربل اسمبلی سیٹ کےلئے عمر عبداللہ بھی شامل ہیں۔نیشنل کانفرنس کی طرف سے جاری کردہ دوسری فہرست کے مطابقکنگن (ایس ٹی): میاں مہر علی، گاندربل: عمر عبداللہ،حضرت بلال: سلمان علی ساگر،خانیار: علی محمد ساگر،حبہ کدل: شمیمہ فردوس، لال چوک: احسان پردیسی،چھانہ پورہ: مشتاق گورو،زڈی بل سری نگر: تنویر صادق، عیدگاہ: مبارک گل، خان صاحب: سیف الدین بٹ،چرار شریف: عبدالرحیم راتھر،چاڈورہ: علی محمد ڈار، گلاب گھر (ایس ٹی): انجینئر خورشید،کالا کوٹ/سندربنی: یشو وردھن سنگھ، نوشہرہ: سریندر چودھری، بدھل (ایس ٹی): جاوید چوہدری، پونچھ حویلی: اعجاز احمد جان،مینڈھر (ایس ٹی): جاوید رانا، کرناہ: جاوید میرچال،ترہگام کپوارہ: میر سیف اللہ، کپواڑہ: ناصر اسلم وانی (سوگامی)، لولاب: قیصر جمشید لون،ہندواڑہ: چوہدری محمد رمضان،سوپور: ارشاد رسول کار،رفیع آباد: جاوید احمد ڈار،اوڑی : ڈاکٹر سجاد شفیع ،بارہمولہ: جاوید حسین بیگ،ٹنگمرگ: فاروق احمد شاہ،پٹن: جاوید ریاض بیدار،سونہ واری: ہلال اکبر لون، گریز (ایس ٹی): نذیر احمد گریزی اور جموں شمالی: اجے کمار سدھوتراکانام شامل ہے۔اسے قبل پیرکوشام دیر گئے کانگریس کے ساتھ نشستوں کی تقسیم کے انتظامات کو حتمی شکل دینے کے بعد، نیشنل کانفرنس نے جموں و کشمیر میں تین مرحلوں میں ہونے والے اسمبلی انتخابات کے پہلے مرحلے کے لیے 19 امیدواروں کی پہلی فہرست جاری کی۔پارٹی نے ایکس پر ایک پوسٹ میں کہا کہ فہرست کو نیشنل کانفرنس کے صدر فاروق عبداللہ نے منظور کیا ہے۔پارٹی نے اننت ناگ سے اپنے سابق ایم پی جسٹس (ریٹائرڈ) حسنین مسعودی کو پانپور سے اور سابق ممبر اسمبلی محمد خلیل بند کو پلوامہ سے امیدوار نامزد کیا ہے۔ نیشنل کانفرنس نے راج پورہ سے غلام محی الدین میر، زین پورہ سے شوکت حسین گنائی، شوپیاں سے شیخ محمد رفیع اور ڈی ایچ پورہ سے سابق وزیر سکینہ ایتو کے نام کا اعلان کیا۔پارٹی نے دیوسر سے پیرزادہ فیروز احمد، لارنو سے چودھری ظفر احمد، اننت ناگ ویسٹ سے عبدالمجید لارمی، بجبہاڑہ سے بشیر احمد ویری، اننت ناگ ایسٹ سے ریاض احمد خان اور پہلگام سے الطاف احمد کالو کا نام بھی لیا ہے۔ یہ تمام سیٹیں جنوبی کشمیر میں ہیں۔جموں خطہ کی نشستوں کے لیے نیشنل کانفرنس نے بھدرواہ سے محبوب اقبال، ڈوڈہ سے خالد نجیب سہروردی، رام بن سے ارجن سنگھ راجو، بانہال سے سجاد شاہین، کشتواڑ سے سابق وزیر سجاد کچلو اور پار ناگسانی سے پوجا ٹھوکر کا اعلان کیا ہے۔سخت گفت و شنید کے بعد، این سی اور کانگریس نے پیر کو جموں و کشمیر میں اسمبلی انتخابات کے لیے بالترتیب 51 اور 32 نشستوں پر مقابلہ کرنے پر اتفاق کیا۔سی پی آئی (ایم) اور جموں و کشمیر نیشنل پینتھرس پارٹی کو ایک ایک نشست الاٹ کی گئی ہے، اتحادیوں نے دن بھر کی بات چیت کے بعد یہاں نیشنل کانفرنس کے صدر کی رہائش گاہ پر ایک مشترکہ پریس کانفرنس میں اعلان کیا۔
جموں و کشمیر میں اگلی حکومت نیشنل کانفرنس اور کانگریس کی ہوگی
