جموںوکشمیر الیکشن ڈیپارٹمنٹ نے گورنمنٹ ایم اے ایم کالج میں سویپ کے تحت بیداری پروگرام کا اِنعقاد

جموں/30اگست2024ئالیکشن ڈیپارٹمنٹ نے جموں و کشمیر اسمبلی اِنتخابات۔ 2024 ءمیں رائے دہندگان میں بیداری پیدا کرنے اور نوجوانوں کی شرکت کو فروغ دینے کے لئے آج گورنمنٹ ایم اے ایم پی جی کالج جموں میں الیکشن کمیشن آف اِنڈیا کے ایک فلیگ شپ پروگرام سسٹمیٹک ووٹرز ایجوکیشن اینڈ الیکٹورل پارٹنرشپ (ایس وِی اِی اِی پی) کے تحت بیداری پروگرام کا اِنعقاد کیا۔سویپ کے نوڈل آفیسر اختر حسین قاضی پروگرام کے مہمان خصوصی تھے جبکہ میڈیا کی نوڈل آفیسر سپنا کوتوال مہمان ذِی وقار کی حیثیت سے موجود تھیں۔ دونوں اَفسروں نے بیداری فراہم کی جس کا مقصد جموں و کشمیر یونین ٹریٹری میں سویپ سرگرمیوں کی مرئیت، رَسائی اور تاثیر کو مضبوط بنانا ہے۔ اِس پروگرام میں رائے دہندگان کی شرکت کی اہم اہمیت بالخصوص نوجوانوں میں پہلی بار ووٹ ڈالنے والوں پر بھی توجہ مرکوز کی گئی۔دونوں افسران نے اس اعتماد کا اِظہار کیا کہ اِس اَقدام سے ووٹر کی آگاہی میں نمایاں بہتر آئے گی بالخصوص پہلی بار ووٹ ڈالنے والوں، پسماندہ کمیونٹیوں اور دیہی علاقوں میں زیادہ شمولیت کو فروغ ملے گا اور جمہوری عمل میں مثبت کردار اَدا کیا جائے گا۔پروگرام کے دوران بوتھ لیول آفیسر (بی ایل اوز) نے اِختراعی آئیڈیاز اور سٹریٹجک منصوبوں پرتبادلہ خیال کیا جس سے آئندہ اسمبلی اِنتخابات میں رائے دہندگان کی شرکت میں نمایاں اِضافہ ہوگا جو 18 ستمبر 2024 ءسے شروع ہونے والے 3 مرحلوں میں جموںوکشمیر یوٹی میں منعقد ہونے والے ہیں۔بی ایل اوز نے جموں و کشمیر میں سب سے بڑی جمہوری مشق میں زیادہ سے زیادہ حصہ لینے کے لئے رائے دہندگان کو شامل کرنے اور حوصلہ اَفزائی کرنے کے لئے قابل عمل اَقدامات کرنے کا بھی یقین دِلایا۔اِس موقعہ پرپرنسپل گورنمنٹ ایم اے ایم پی جی کالج جموں پروفیسر ڈاکٹر بی بی آنند، پروفیسر لوکشا ڈبگوترا، ڈاکٹر جیون دھر، ڈاکٹر کیلاش شرما، ڈاکٹر سنجے سمیال اور دیگر متعلقین موجود تھے۔