سری نگر:۸ ،اکتوبر: : اسمبلی انتخابات 2024میں نیشنل کانفرنس اور کانگریس اتحادکی تاریخی فتح کے تناظرمیں ڈاکٹر فاروق عبداللہ نے اعلان کیاکہ عمر عبداللہ جموں و کشمیر کے اگلے وزیر اعلیٰ ہوں گے۔اس دوران انہوںنے یہ بھی کہاکہابLG اور ان کے4مشیرنہیں ، بلکہ 90 ممبران اسمبلی جموں و کشمیرکو چلائیں گے۔جے کے این ایس کے مطابق اپنی گپکار رہائش گاہ پر صحافیوں سے بات کرتے ہوئے نیشنل کانفرنس کے صدر فاروق عبداللہ نے منگل کو اعلان کیا کہ پارٹی اتحادی جماعت کانگریس کےساتھ جموں وکشمیرمیں برسراقتدار آنے کی راہ دیکھ رہی ہے۔ وزیراعلی کے چہرہ سے متعلق صحافیوں کے سوال کے جواب میںفاروق عبداللہ نے صحافیوں سے کہا کہ عمر عبداللہ جموں وکشمیرکے اگلے وزیر اعلیٰ ہوں گے۔نیشنل کانفرنس کے صدر نے یہ بھی کہا کہ یہ فیصلہ اس بات کا ثبوت ہے کہ جموں و کشمیر کے لوگ آرٹیکل 370 کی منسوخی کے خلاف ہیں۔فاروق عبداللہ نے کہا کہ عوام نے اپنا فیصلہ دے دیا ہے اور ثابت کر دیا ہے کہ 5 اگست 2019 کو کیے گئے فیصلے (دفعہ 370 کی منسوخی) انہیں قابل قبول نہیں ہیں۔ انہوںنے کہاکہ میں سب کا شکر گزار ہوں کہ لوگوں نے انتخابات میں حصہ لیا اور آزادانہ طور پر ایسا کیا۔ ڈاکٹر فاروق نے مزید کہاکہ میں نتائج کے لیے اللہ کا شکر گزار ہوں۔ سابق مرکزی وزیر نے کہا کہ منتخب حکومت کو لوگوں کے مصائب کو ختم کرنے کے لیے بہت زیادہ کام کرنا پڑے گا۔انہوںنے کہاکہ ہمیں بے روزگاری کا خاتمہ کرنا ہے اور مہنگائی اور منشیات کی لعنت جیسے مسائل کو حل کرنا ہے۔ڈاکٹر فاروق نے کہاکہ اب، کوئی ایل جی اور ان کے مشیر نہیں ہوں گے۔ اب 90 ایم ایل اے ہوں گے جو لوگوں کے لیے کام کریں گے۔انہوںنے کہاکہ اب ایل جی اور ان کے چار مشیرنہیں ، بلکہ 90 ممبران اسمبلی کشمیرکو چلائیں گے ۔ یہ پوچھے جانے پر کہ وہ مینڈیٹ کو کیسے دیکھتے ہیں، ڈاکٹر فاروق نے کہا کہ اب ایل جی اور ان کے چار مشیر معاملات نہیں چلائیں گے بلکہ اب جموں و کشمیر کو قانون ساز اسمبلی کے90 ممبران چلائیں گے جنہیں عوام نے منتخب کیا ہے۔ ترجیحات پر، انہوں نے کہا کہ نئی حکومت بے روزگاری اور منشیات کے بڑھتے ہوئے استعمال کو ختم کرنے کے لئے کام کرے گی۔ یہ پوچھے جانے پر کہ وہ مختلف سیاسی جماعتوں کی طرف سے پیش کردہ حمایت کو کس طرح دیکھتے ہیں، انہوں نے کہا کہ وہ ان تمام لوگوں کے شکر گزار ہیں جنہوں نے انتخابات میں این سی کی حمایت کی
