سرینگر//وزیر اعلیٰ کے سیاسی مشیر ناصر وانی نے بدھ کے روز کہا کہ جموں و کشمیر میں موجودہ گڑبڑ کے لیے پیپلز ڈیموکریٹک پارٹی (پی ڈی پی) ذمہ دار ہے جس کی وجہ سے جموں و کشمیر میں دفعہ 370 اور 35 اے کو منسوخ کیا گیا۔ان باتوں کا ظہار انہوں نے سری نگر میں پی ڈی پی کے اس دعوے کے جواب میں میڈیا والوں کے ایک سوال کا جواب دیتے ہوئے کہی ہے کہ نیشنل کانفرنس آرٹیکل 370 کی بحالی کے بارے میں کوئی قرارداد لانے میں ناکام رہی ہے۔کشمیرنیوز سروس ( کے این ایس ) کے مطابق وانی جموں و کشمیر کے وزیر ستیش شرما اور ایم ایل اے تنویر صادق کے ساتھ ابی رینواری گئے تھے جہاں منگل کو خوفناک آگ نے متعدد مکانات کو تباہ کردیا اور 26خاندان بے گھر ہوگئے۔اگر پی ڈی پی نے 2014میں بی جے پی کی حمایت نہ کی ہوتی تو آرٹیکل 370 اور 35A کو منسوخ نہیں کیا جاتا”، وانی نے مزید کہا کہ "نہ ہی لوگوں نے جموں اور کشمیر میں گزشتہ دس سال کی تباہی دیکھی ہوتی”۔وانی نے کہا کہ لوگ پی ڈی پی کو کبھی معاف نہیں کریں گے۔انہوں نے کہا کہ منشور میں جو بھی وعدے کیے ہیں وہ حقیقت میں پورے ہوں گے۔پی ڈی پی نے 2008، 2010میں غلط سیاست کی اور 2016 میں انہیں شکست ہوئی۔ پی ڈی پی لوگوں کے ذہنوں میں کنفیوڑن پیدا کرکے انہیں غلط راستے پر ڈالنے کی کوشش کر رہی ہے۔انہوں نے الزام لگایا کہ پی ڈی پی نے ہمیشہ تباہ کن سیاست کی ہے اور آج بھی کر رہی ہے۔حکومت نے شاید ہی ایک مہینہ پورا کیا ہو جسے پی ڈی پی ہضم نہیں کر پا رہی ہے۔ وہ اپنے دور حکومت میں ہونے والی تباہی کو نہیں دیکھ رہے ہیں۔
