سرینگر:۸،فروری:: عام آدمی پارٹی کے قومی کنوینر اور دہلی کے سابق وزیر اعلی اروند کیجریوال نے کہا کہ ہم عوام کے مینڈیٹ کو بڑی عاجزی کے ساتھ قبول کرتے ہیں۔جے کے این ایس کے مطابق ایک ویڈیو پیغام میں اروند کیجریوال نے کہا کہ میں اس جیت کیلئے بی جے پی کو مبارکباد دیتا ہوں اور مجھے امید ہے کہ وہ(بی جے پی) ان تمام وعدوں کو پورا کریں گے جن کےلئے لوگوں نے انہیں ووٹ دیا ہے۔انہوںنے کہاکہ ہم نے پچھلے10 سالوں میں صحت، تعلیم، انفراسٹرکچر کے میدان میں بہت کام کیا ہے۔ اروند کیجریوال نے کہا کہہم نہ صرف تعمیری اپوزیشن کا کردار ادا کریں گے بلکہ عوام کے درمیان رہ کر ان کی خدمت کرتے رہیں گے۔
