سید اعجاز
ترال//ترال کے شاہ پورہ چھانکتار جنگلات میں جمعہ کے شام اچانک آگ ظاہر ہوئی ہے جس نے آناً فاناً وسیع علاقے کو اپنے لپیٹ میں لیا ہے جس کے نتیجے میں سینکڑوں کی تعداد میں پودے راکھ کے ڈھیر میں تبدیل ہوئے ۔مقامی لوگوں نے بتایا اس جنگل میں گھنے گھاس کے ساتھ ساتھ سینکڑوں اقسام پودے پائے جاتے ہیں جس کی وجہ سے آگ تیزی کے ساتھ پھیل گیا ہے۔مقامی لوگوں نے نمائندے کو فون پر بتایا کہ آگ اچانک شام 6بجے کے قریب ظاہر ہوئی ہے جبکہ واقعے کے فوراً بعدمحکمہ جنگلات کے ملازمین جائے واردات پرپہنچ گئے اور آگ بجھانے کے کام شروع کیا جو شام دیر گئے تک جاری تھا ۔ادھر محکمہ جنگلات کے رینج افسر ترال نے فون پر بتایا کہ آگ مندورہ کے ٹاپ سے اچانک ظاہر ہوئی ہے جس نے وسیع علاقے کو اپنی لپیٹ میں لیا ہے جبکہ آگ ظاہر ہونے کے ساتھ ملازمین آگ بجھانے کے کام میں جھٹ گئے ہیں۔افسر موصوف کا کہنا تھا مزکورہ جنگل میں آگ گھاس میں لگی ہے اور اس جنگل میں درخت زیادہ نہیں ہے ۔ انہوں نے کہا90فیصد آگ پر قابو پا لیا گیا ہے ۔
